Đơs mờ kwang đơng lam bồ càr Kon Tum, gơnoar atbồ mờ làng bol kơnhoàl kơnhoàl Kon Rẫy tàm dơ̆ pà phan, Atbồ ing Củ tịc lơgar mò Võ Thị Ánh Xuân đơs sùm gơnoar broă, tiah kwơ màng bơh ù tiah càr Kon Tum dê tàm 2 dơ̆ tam lơh tam dră wơl mờ lơgar Tây, lơgar Mỹ mờ nùs nhơm tam klăc bal, tam lơh khin cha jak chài, jơh nùs ai jơh bơta pràn bơh làng bol ală jơi bơtiàn tàm càr dê.

Sền gròi tus rài kis làng bol ală jơi bơtiàn dồ ết nă cau, Atbồ ing Củ tịc lơgar mò Võ Thị Ánh Xuân kơ̆p kờñ kấp ủy, gơnoar atbồ càr Kon Tum pơn jat tai lơh jat geh cồng nha broă dong kờl jơi bơtiàn nàng kờñ lơh tơn lơyah rlau tai ală bơta tam cah is bơtàu tơnguh đah ală jơi bơtiàn, kơnhoàl ù tiah nàng jơh gùt làng bol geh dờp tơl làm cồng nha kăc màng dê; bal mờ hơ̆ là gơ jal ngan bơta đơng lam bơh Đảng, Dà lơgar dê kung bè hòi jà tă pơgồp bal, tàm bơrlŭ bal ală priă jền, ngan là priă bơcri lơh bơh ală broă lơh jơnau kờñ Dà lơgar nàng bơtàu tơnguh gah lơh sơnơm, bơto bơtê, prap gàr niam chài ờs mờng mờ lơh jat geh cồng nha broă lơh gàr niam rài kis mpồl bơtoàn.