Càr Kon Tum bơtàu tơnguh git nđờ rơhiang broă lơh nàng tam gơl bồ tơngoh kơlôi sơnơng, broă lơh bơh làng bol jơi bơtiàn ờ gal cau
Thứ bảy, 07:52, 04/05/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Drim òr (03/5), Tỉñ ủy càr Kon Tum bơyai lơh Pơrjum tơn jơh ing 3 nam lơh jăt Dơ̆ lam lơh “lơh tam gơl bồ tơngoh kơlôi sơnơng, broă lơh tàm làng bol jơi bơtiàn ờ gal cau, lơh nàng làng bol jơi bơtiàn ờ gal cau in sơrlèt mờ lik klàs rơƀah kơl jăp”.
Tơnơ̆ mờ 3 nam, ală kấp, ală gah lơh broă tàm càr Kon Tum lơh, bơtàu tơnguh 866 broă dong kờl bal lơh sa, lơh niam suơn tam phan geh mờr 10 rơbô 600 hìu rơƀah, hìu ndrờm rơƀah tus bal.
Ală broă lơh neh hòi jà geh 96 tơmàn đong priă dong kờl sơntìl, priă, bơta chài dong kờl rơlao 5 rơbô 500 hìu rơƀah jơi bơtiàn ờ gal cau lik klàs rơƀah kơl jăp. Kờp tus lồi nam 2023 gùt càr Kon Tum gam rơlao 10 rơbô 200 hìu rơƀah, tàm hơ̆ geh rơlao 9 rơbô 700 hìu rơƀah là làng bol jơi bơtiàn ờ gal cau geh rơlao 95%. Nàng lam làng bol khin kơlôi, khin lơh, brồ guh lik klàs mờ rơƀah mùl màl, Tỉñ ủy càr Kon Tum geh pơn jăt tai lơh uă broă lơh. Tàm hơ̆, càr geh tơrgùm tàm gah lơh sa kă bro.
Viết bình luận