Tàm dơ̆ lòt còp, mò Trương Thị Mai neh jờng rơ gơnoar broă mờ bơta lơh ngan sơrlèt gan kal ke bơh mpồl kwang bàng, kông ñân, cau lơh broă tiah lơh sa mờ măi mok Phú Hội dê tàm broă lơh sa, lơh gơlik phan bơh suơn sre. Pơgồp bơnah ai khà gơguh gah lơh sa suơn sre càr dê đơs is, gùt lơgar đơs bal lơh geh jơnhua ngan rlau jơh tàm 10 nam do.

Khà biap, kơnuh, plai chi bơh Lâm Đồng dê tŭ do neh tac tus drà kă bro uă lơgar tàm dunia. Bơdìh hơ̆ tai, mò Trương Thị Mai kung sồr ală tiah lơh sa mờ măi mok, gơnoar atbồ càr Lâm Đồng pơn jat tai sền gròi dong kờl, sền gròi rài kis cau lơh broă tàm ală tiah lơh sa mờ măi mok, ngan là mhar lơh sir ală rơndap broă lơh hìu ơm ai kông ñân in. Di dơ̆ do, mò Trương Thị Mai neh pà phan sa tềp ai tiah lơh sa mờ măi mok Phú Hội in; jàu pà 200 bơnah phan ai kông ñân, cau lơh broă mờ tiah lơh sa mờ măi mok dê in, tơl bơnah phan kờp priă 1 tơlak 300 rbô đông.