Lơh jat jơnau kờñ tơn jơh hìu ing, hìu ồm sèt nhat dà mìu ai hìu bơnhă làng bol in, tus tŭ do, càr Kon Tum neh lơh pa, lơh niam wơl mờr 2 rbô 400 nơm hìu, geh rlau 86% pơndrờm mờ kờp jơh khà hìu ing, hìu ồmsèt nhat dà mìu pal lơh pa, lơh niam wơl. 

Tàm mờr 2 rbô 400 nơm hìu geh càr Kon Tum lam lơh pa, lơh niam wơl neh geh mờr 1 rbô 250 nơm hìu lơh sir, jàu làng bol in ơm. Mờ broă lơh gơs jơh 155 nơm hìu, tàm hơ̆ geh 102 nơm hìu lơh pa mờ lơh niam wơl 53 nơm hìu, Huyện ủy kơnhoàl Kon Rẫy là tiah sơn rờp bơh càr Kon Tum dê lơh gơs broă tơn jơh hìu ing, hìu ồm sèt nhat dà mìu ai làng bol in. Nàng lơh gơs jơnau kờñ tơn jơh hìu ing, hìu ồm sèt nhat dà mìu ai jơh 2 rbô 752 hìu bơnhă làng bol tàm càr in tàm lồi nhai 6 tus do, tŭ do, càr Kon Tum gam tơrgùm bơsong kal ke bè priă tă lơh, tàm hơ̆ geh jơnau hơ pơrgon dong kờl bơh bàr pe mpồl lơh broă, mpồl lơh sa kă bro dê.