Jơnau kờñ bơh broă lơh là dong kờl phan bơna, nùs nhơm tus 1 tơlăk 200 rơbô nă cau rơƀah, cau geh rài kis gơtìp kal ke, cau ờ pràn tàm mpồl bơtiàn. Jăt Mpồl Cữ thập đỏ Việt Nam yal, broă lơh “Pơyoa phan pơgồp Satềp” nàng hòi jà ală cau geh nùs nhơm niam, ală mpồl lơh broă – Mpồl lơh sa kă bro tàm lơgar mờ lơgar bơdìh ai geh jơnau sền gròi tus làng bol gơtìp kal ke, pơn jăt tai broă lơh jăt bơhiàn ờs mờng “Nha niam kờl nha sèt” bơh jơi bơtiàn dê bơh broă Pơyoa phan – Pơgồp Satềp bơceh lơh mờ loh làng.

Broă lơh do wèt tus broă dong kờl phan bơna, nùs nhơm tus 1 tơlăk 200 rơbô nă cau rơƀah, cau geh rài kis gơtìp kal ke, cau ờ pràn tàm mpồl bơtiàn. Pơyoa phan Pơgồp Satềp là broă lơh gơwèt broă lơh “Satềp kờñ gơboh” bơyai lơh pah nam bơh Mpồl Cữ thập đỏ Việt Nam bơyai lơh mờ mpồl lơh broă bal bơh Mpồl do dê tàm 63 càr, ƀòn dờng. “Satềp kờñ gơboh” tam gơl pa broă dong kờl bè phan bơna, nùs nhơm nàng cau rơƀah, cau geh rài kis gơtìp kal ke, cau ƀuơn gơtìp aniai geh chờ nam pa, wă rò satềp tàm dơ̆ Aatềp bơhiàn jơi bơtiàn dê.