Bè jơnau neh yal, Pơrjum nisơna dơ̆ 5 (Quôk hội khoă XV) neh sơnđờm mut pơrjum drim ngai 15/01. Dùl tàm 4 tơngume kwơ màng geh cribơyai tàm dơ̆ pơrjum do dê là Jơnau rcang cih Nghị quyết bè bàr pe broă lơh, broă lơh krơi is nàng tă bơsong kal ke, kòl yan, lơh mhar tŭ tơngai lơh jat ală broă lơh jơnau kờñ Dà lơgar.

Lơh jat Nghị quyết bè jat sền mìng dùl tơngume tàm Pơrjum dơ̆ 6, Cíñ phủ yal mờ Quôk hội in sền sơwì, lơh nền ngui bàr pe broă lơh krơi is nàng tă bơsong kal ke, kòl yan, chồl mhar tŭ tơngai mờ geh cồng nha lơh jat 3 broă lơh jơnau kờñ dà lơgar, tơrgùm tàm ală tơngume tờm: broă tam pà, jàu rơndăp broă lơh kờp dŭ priă tă ngui sùm kes priă Dà lơgar pah nam; broă tam gơl kờp dŭ lài kes priă dà lơgar, broă rơndăp lơh bơcri priă pah nam; broă ngui kes priă dà lơgar tàm bơta jàu cau tờm rơndăp broă lơh bơtàu tơnguh lơh sa in lơh is broă blơi phan bơna drơng broă lơh bơtàu tơnguh lơh sa; broă lơh nền kơrnoat boh lam lơh tơrlòng lài tam pà kấp ai kấp kơnhoàl in lơh nền broă lơh, rơndăp broă lơh, tàm pà ngui priă kes priă dà lơgar dê tàm broă lam lơh jat ală broă lơh...