Ủy ƀan Thường vụ Quôk hội ai jơnau đơs tàm jơnau rơcang cih Nghị quyết cih bè Gai lòng kir sơnrai “Tài broă lơh Quôk hội Việt Nam” mờ jơnau rơcang cih Nghị quyết cih bè tàm pơrlòng, pà phan ƀàn gơ wèt mờ kwang bàng Quôk hội, ală anih lơh broă bơh Quôk hội, ală anih lơh broă gơ wèt Ủy ƀan Thường vụ Quôk hội mờ kwang bàng, công chức gơ wèt gơnăp gơnoar atbồ bơh Ủy ƀan Thưởng vụ Quôk hội dê.

Pờ tê ring bal 2 Nghị quyết do, ală jơnau đơs tàm pơrjum sồr Mpồl lơh broă kwang bàng mhar ai tơlik sră nggal pơlam bè kâp geh gơnoar dờp, yal geh ngan jơnau bơceh lơh, broă lơh jak chài geh cồng nha mờ bơta gơ rềng tus ală anih lơh broă, mpồl cau, cau dùl nă să, lơh gơs sră nggal tàm pơrlòng, pà phan ƀàn, gờñ tă pơgồp jơnau đơs pơlam lơh jat sền sơ wì pà ală khà jờng tàm pơrlòng, broă lơh pà phan ƀàn dờng rlau gơ wèt mờ kwang bàng Quôk hội tàm nam 2024 do tơn.