Ủy ƀan Niam chài mờ Bơto bơtê bơyai lơh pơrjum bal dơ̆ 7
Thứ bảy, 09:46, 04/05/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Ngai 3/05, tàm Hìu lơh broă Quôk hội, Ủy ƀan Niam chài mờ Bơto bơtê bơyai lơh pơrjum bal dơ̆ 7, cribơyai, tă pơgồp jơnau đơs tàm Broă lơh jơnau kờñ Dà lơgar bè bơtàu tơnguh niam chài tơngai bơh nam 2025 - 2035.
Jat broă rơndăp lơh, broă lơh tàm pà gơs 2 tŭ tơngai. Tàm hơ̆, tus nam 2030 lơh geh 9 mpồl jơnau kờñ mờ tus nam 2035 kung lơh geh 9 mpồl jơnau kờñ jat di jơnau sồr bơh Tổng Ƀí thư ồng Nguyễn Phú Trọng dê tàm pơrjum Niam chài gùt lơgar nam 2021. Kờp dŭ kờp jơh priă jền hòi jă tă pơgồp bal lơh jat broă lơh tàm tơngai bơh nam 2025 - 2030 là 122 rơbô 250 tơmàn đong.
Đơs tàm pơrjum, Phó Củ tịc duh broă sùm Quôk hội ồng Trần Thanh Mẫn sồr Cíñ phủ rcang nền nòn bè priă jền nàng lơh jat broă lơh, gàr niam broă hòi jà tă pơgồp bal, atbồ, tam pà, ngui priă jền di broă, di anih.
Viết bình luận