VOV4.K’ho – Thủ tướng Chính phủ, ồng Nguyễn Xuân Phúc pa geh Công điện pơyua ală Bộ, anih lơh broă ndrờm mờ Bộ, anih lơh broă gơ wèt Chính phủ, UBND ală càr, [òn dờng gơ wèt dà lơgar bè broă tơr gùm đơng lam, lam lơh krà` cê ală broă lơh rơcang sơndră kòp jê ndul gơ jroh sur châu Phi.

 Công điện đơs loh: tơngai lài, Ban Bí thư, Thủ tướng Chính phủ neh sồr lam lơh krà` cê, ring bal ală broă lơh rơcang sơndră kòp jê ndul gơ jroh sur châu Phi mơya kung gam ală bơta ờ niam, lơh gơ rềng tus cồng nha broă lơh rơcang sơndră kòp bơ tờp. Tàm tơngai tus, Thủ tướng Chính phủ sồr ală Bộ, gah lơh broă dà lơgar, ngan là kấp ủy Đảng mờ gơnoar atbồ ală kấp tàm càr, [òn dờng: hòi jà jơh mpồl lơh broă chính trị lơh bal, krà` cê đơng lam, pơlam broă rơcang sơndră kòp.

Bộ Nông nghiệp mờ Phát triển nông thôn đơng lam, pơlam lòt sền, sền sơ wì, chul chồl ală càr, [òn dờng sơlơ lơh pràn broă rơndap sap sèng wơl gah ròng phan, lơh gơs li la phan ròng. Tềng đap mat tơr gùm bơtàu tơnguh ròng phan dờng, iar ơda, phan tàm dà,… nàng bơ tơl wơl bơta ờ tơl poac sur, kờ` drơng niam rài kis làng bol in.

Cau mblàng K’Duẩn