VOV4.K’ho-Broă tă tơm priă sền gàr brê gam hời rơ hời đơs ngan lơh geh cồng nha tàm broă gơ hòi gơ jà làng bol tàm ală [òn tàm càr Kon Tum tus bal atbồ, sền gàr brê. Kơnờm broă lơh do, neh gơ hòi gơ jà geh uă ngan làng bol tus bal sền gàr brê mờ làng bol kung geh dờp bơta kuơ uă ngan, pơgồp bơnah lơh niam wơl rài kis lơh broă sa mờ priă lơh geh. Cồng nha do lơh geh là kơnờm broă mblàng yal geh sền gròi uă mờ ală broă lơh niam ngan, di pal ngan.

Dùl ngai lồi poh, tàm hìu Rông bơh yau bơh [òn Đăk Wâk dê, gơnoar atbồ [òn, gah lơh broă geh gơnoar xã Đăk Kroong mờ kơnhoàl Đăk Glei pơgồp bal mờ Kes priă sền gàr mờ bơtàu tơnguh brê càr Kon Tum bơyai lơh dơ\ mblàng yal bè Broă tă tơm priă sền gàr brê. Dơ\ mblàng yal gơ hòi gơ jà uă ngan làng bol [òn Đăk Wâk tus bal.

Nàng tơnguh cồng nha broă mblàng yal, ala mat ală hìu bơnhă geh tam pà uă mpồl, mờ tơl mpồl geh bơh 5 tus 7 nă cau. Bơh hơ\, ală mpồl geh cribơyai bè ală tơngume bè atbồ, sền gàr brê; ngui priă tă tơm sền gàr brê tàm broă bơtàu tơnguh lơh sa mbè lơi nàng gơ in geh cồng nha; rơ wah broă lơh sa mbè lơi nàng di pal mờ priă jền mờ rài kis hìu bơnhă dê.

Jat ồng A Tùng, Kuang atbồ thôn Đăk Wâk, mờ broă sùm geh tus bal tàm ală dơ\ pơlam tàp, mblàng yal bè do, g^t wă bè broă sền gàr mờ bơtàu tơnguh brê hơ đơm mbur brê bơh làng bol dê geh tơnguh loh làng ngan:

Pah nam pơlam tàp broă tă tơm priă sền gàr brê den gơ lơh gơ kờ` ngan. Tài bơh tu\ neh tơm jơh priă sền gàr brê ai làng bol atbồ brê in, ală hìu bơnhă neh dờp priă jền den buơn ngan. Khi blơi tai iar, ada halà sur nàng ròng tai, bơtàu tơnguh tai rài kis lơh sa. Bơh tu\ neh geh priă tă tơm sền gàr brê den khi neh geh kơnòl, pơgồp bal kơnòl gơ wèt mờ brê.

Bal mờ dơ\ pơlam tàp, mblàng yal bè broă tă tơm priă sền gàr brê mờ broă ngui priă jền geh tă tơm priă mbè lơi nàng ai gơ in di pal, ồng A Trầm, [òn Đăk Wâk pà g^t, hìu bơnhă ồng dờp atbồ sền gàr brê rlau 18 lồ. Pah nam, hìu bơnhă ồng dờp geh priă jền pơgap 13 tơlak priă tă tơm sền gàr brê. Bơh ală dơ\ mblàng yal, pơlam tàp, hìu bơnhă ồng neh g^t rơndap tap sèng priă jền ngui sa tàm rài kis, lơh sa tàm bă ù brê geh jàu kung bè bơcri sơntìl chi tam tàm sre, tàm suơn.

Ngan ngồn, ồng neh blơi tai sơntìl chi brê nàng tam tàm ală tiah ha pah tàm bă ù brê geh jàu, blơi sur, blơi kơnrồ ròng tềng hơ đơm mbur brê. Mờ broă lơh do, rài kis lơh sa bơh hìu bơnhă ồng dê geh kơ\p gơn geh tam gơl uă ngan tàm tơngai tus.

Bơh ală dơ\ pơlam tàp bè do den a` go\ gơ geh kuơ uă ngan nàng he in bơsram g^t tai ală bơta lơi nàng he in mut ngui, lơh mbè lơi nàng geh priă jền, he bơtàu tơnguh rài kis lơh sa niam rlau tai. Digơlan he dờp priă jền den he bơcri lơh sa, ngui sa tàm hìu bơnhă, blơi tai chi sơntìl.

Ồng A Thẳng, Chủ tịch UBND xã Đăk Kroong pà g^t, gơnoar atbồ xã đơs là, atbồ, sền gàr brê là kơnòl broă kuơ màng mờ gơ hòi gơ jà làng bol sền gàr là broă lơh tờm ngan. Den tàng bè hơ\, xã sùm pơgồp bal mờ ală kấp, ală gah lơh broă lơh jat broă lơh mblàng yal tus tàm [òn bè gơnoar mờ kơnòl broă bơh làng bol dê tu\ tus bal atbồ mờ sền gàr brê mờ dờp geh bơta kuơ bơh broă tă tơm priă sền gàr brê dê.

Broă mblàng yal uă ngan, di pal ngan neh dong ală hìu bơnhă làng bol ờ di mìng dờp g^t bơta kuơ màng bơh brê dê lơm gời mờ làng bol neh sơnđờm g^t ngui priă jền bơh broă tă tơm priă sền gàr brê nàng drơng broă bơtàu tơnguh rài kis lơh sa, rài kis pah ngai.

 Bè bơta g^t wă bơh làng bol dê gơ wèt mờ broă atbồ, sền gàr brê den brê neh jàu ală hìu bơnhă in jat Quyết định 178 halà jàu brê ai mpồl bơtìan in den ală làng bol neh g^t wă loh tơngume do. Pah nhai, pah poh, bơyai lơh tàm pà broă mpồl lòt sền brê sùm den bè broă gơ rềng tus brê den gơmù uă ngan pơn ndrờm dùl tu\ bal mờ lài do. Gơ wèt mờ cồng nha ngui priă tă tơm priă sền gàr brê den làng bol kung bơcri tàm broă ròng phan mờ cồng nha là niam ngan.

Cau mblàng K’ Hạnh