VOV4.K’ho- Drim òr (28/5), tàm Dăk Lăk, Ủy ban Kòn cau pơgồp bal mờ UBND càr Dăk Lăk bơyai lơh Cribơyai tă pơgồp jơnau đơs “Rơndăp broă lơh bal bơcri priă bơtàu tơnguh lơh sa- mpồl bơtiàn tiah làng bol kòn cau, tiah kơh bơnơm mờ tiah lơh sa- mpồl bơtiàn kal ke uă ngan tơngai bơh nam 2021- 2025, wèt tus nam 2030”.

Cribơyai tă pơgồp jơnau đơs Rơndăp broă lơh bal bơcri priă bơtàu tơnguh lơh sa- mpồl bơtiàn tiah kòn cau, tiah kơh bơnơm 

Rơndăp broă lơh bal bơcri priă bơtàu tơnguh lơh sa- mpồl bơtiàn tiah làng bol kòn cau, tiah kơh bơnơm mờ tiah lơh sa- mpồl bơtiàn kal ke uă ir tơngai bơh nam 2021- 2025 geh lơh bal mờ jơnau kờ` jòi bơta pràn, bơta [ươn bơh tiah do dê, tam gơl pa bơceh pa, lơh pràn bơtàu tơnguh lơh sa, gàr tơl niam rài kis mpồl bơtiàn tiah kòn cau; tơnguh tai bơcri priă bơh dà lơgar dê mờ ală bơnah lơh sa nàng bơ\t bơtàu ală phan bơna lơh sa- mpồl bơtiàn dùl ròt bal.

Tơngume Rơndăp broă lơh do tơrgùm bè broă dong kờl bơcri priă tàm 3 gah broă dờng là bơtàu tơnguh lơh sa, niam chài mpồl bơtiàn mờ lơngăp lơngai sền gàr dà lơgar. Mơkung tơlik 9 mpồl kơnòl broă, gùng dà broă lơh lơh jat, kuơmàng tam gơl pa tàm broă tam pà wơl tiah kòn cau mờ tiah kơh bơnơm; crơng gơs Mpồl đơng lam bơh dà lơgar tus [òn lơgar.

Tàm dơ\ cribơyai, bàr pe jơnau đơs tă pơgồp, Ủy ban Kòn cau pal pơn jat tai kơlôi sơnơng dan geh ală gùng dà broă lơh loh làng ai lài hòi jà tă pơgồp priă jền nàng lơh jơnau kờ` neh ai; lơh jat ngan ngồn Rơndăp broă lơh bơh ală broă rơndăp lơh, ală broă lơh, rơndăp broă, broă dong kờl dipal, gơcèng bơta jo\ jòng tus nam 2030 nàng lam lơh geh cồng nha.

 Cau mblàng Lơ Mu K’Yến