VOV4.K’ho - UBND càr Dak Lak pa geh rơndăp broă bè broă bơyai lơh poh dà lơgar sơndră mờ rềs àr bơh trồ tiah bơh ngai 15 tus 22 nhai 5 nam 2019 tàm càr Dak Lak.

Tơngu me bơh poh dà lơgar sơndră mờ rềs àr bơh trồ tiah nam 2019 là “Tơmù ờ uă rềs àr bơh mpồl bơtiàn”, tơngai lơh jăt tàm nhai 5 nam 2019 tàm càr Dak Lak.

Rơndăp broă geh ai ală kơnòl tòm pal tơrgùm lơh bè: lam sồr broă kờ` lơh, bơta kuơ mờ ală broă lơh dờp bal poh dà lơgar sơndră mờ rềs àr bơh trồ tiah; bơto sồr tơnguh jơnau g^t wă, bơta ngăc ngar bè ală broă sơndră mờ tơmù hoàc huơr ai ală mpồl cau tàm mpồl bơtiàn; ală broă lơh, jơnau bơsram broă mờng chài tàm mpồl bơtiàn bè broă sơndră mờ rềs àr bơh trồ tiah; tơnguh broă sền gròi, sền wơl mờ lơh jăt ală broă tơnguh uă bơta niam ờ do ờ dă ai broă lơh kờ` sơndră mờ rềs àr bơh trồ tiah; broă rơcang sơndră mờ rềs àr bơh ală cấp bal mờ mpồl bơtiàn…

Cau mblàng Ndong Brawl