VOV4.K’ho – Mho òr (28/5), tàm [òn dờng Buôn Ma Thuột, UBND càr Dak Lak neh lơh broă mờ Tập đoàn Hùng Nhơn (càr Bình Phước) mờ Tập đoàn De Heus (lơgar Hà Lan) nàng k^ sră cih kah lơh broă bal bơcri priă Rơndap broă “Mpồl tiah lơh sa suơn sre ngui công nghệ cao DHN Dak Lak”.

Jat sră cih kah, tiah tơr gùm bal geh bă tiah ngui ù mờr 200 lồ, geh 80 lồ ai tiah trang trại ròng 2 rbô 400 nơm sur sơntìl geh sac rơwah mờ blơi tơn bơh lơgar Hà Lan; 30 lồ ai tiah tam phan jat gùng dà broă lơh hữu cơ mờ ù tam chi in mờ ờ uă broă lơh drơng ala dong kờl ndai…

Kờp jơh priă bơcri bơh jơh rơndap broă dê là 66 tơlak dolar Mỹ, geh lam lơh bơh quý 3 nam 2019 tus quý 4 nam 2025. Tiah tơr gùm bal do geh gơ gơs là tiah tờm ngui công nghệ cao tàm broă ròng phan, nàng lơh gơlik ală phan bơna jat ròt mpồl tam klac bal, tàm hơ\ geh sac rơwah, lơh gơlik sur sơntìl, iar sơntìl, lơh poac sur, lơh phan siam phan ròng in jat broă lơh hữu cơ, lơh phơng hữu cơ, kă bro phan lơh gơs bơh phan ròng.

Cau mblàng K’Duẩn