VOV4.K’ho- Tàm Dăk Lăk ờ hềt sền go\ kòp jê ndul gơjroh sur châu Phi mơya ală càr gùt dar, là: Gia Lai, Dăk Nông mờ Khánh Hoà neh geh kòp ngòt rơngơ\t do. Gah lơh sơnơm phan ròng càr Dăk Lăk, mpồl lơh sa kă bro mờ cau ròng phan tàm càr do gam lam lơh jat krà` cê jơh nùs ngan ală gùng dà broă lơh jal mhar nàng kờ` rcăng sơndră kòp ngòt rơngơ\t do geh cồng nha.

Ală cau ròng sur tàm Dăk Lăk sùm rơ sìh vôi nàng lơh kloh wàng ròng

Tu\ do, Dăk Lăk là càr geh sur uă ngan rlau jơh tàm ală càr Tây Nguyên bal mờ mờr 77 rbô nơm. Bal mờ broă crơng gơs mpồl lơh broă làm bă tiah drơng broă sùm ngai kung bè mang nàng rcăng lài tu\ geh kòp den bơsong tơn, Chi cục lơh sơnơm phan ròng càr Dăk Lăk gam pơgồp bal mờ ală gah lơh broă geh gơrềng bal, mpồl lơh sa kă bro mờ cau ròng phan lơh jat dùl ròt bal ală gùng dà broă lơh.

Gah lơh sơnơm tàm Dăk Lăk sùm dong kờl làng bol [ồm dà sơnơm sền swì kòp

Nàng broă lơh rcăng sơndră kòp jê ndul gơjroh sur châu Phi tàm Dăk Lăk lơh geh ală cồng nha niam bal mờ bơta krà` cê jơh nùs bơh anih lơh broă geh gơnoar, mpồl lơh sa kă bro, hìu cau ròng phan dê den kờ` ngan bơta tàm sơm băt tê bal bơh mpồl bơtiàn dê tus bal tàm broă lơh rcăng sơndră kòp ngòt rơngơ\t do.

Cau mblàng Lơ Mu K’Yến