VOV4.K’ho-Tàm Dăk Lăk neh sền go\ kòp jê ndul gơjroh sur châu Phi. Gah lơh sơnơm tiah do, mpồl lơh sa kă bro mờ cau ròng phan tàm Dăk Lăk gam lam lơh krà` cê jơh nùs ngan ală gùng dà broă lơh jal mhar nàng kờ` rcăng sơndră bơta kòp ngòt rơngơ\t do geh cồng nha.

Wàng ròng sur bơh hìu ồng Nguyễn Trần Nam dê geh lơh jrô tàm mìr kơphê tàm thôn 8, xã Hoà Thắng, [òn dờng Buôn Ma Thuột, càr Dăk Lăk.

                                Cau ròng sur tàm Dăk Lăk sùm rơ sìh vôi [òk nàng rcăng sơndră kòp

Bulah anih do ngài mờ gùng lòt tờm, cah ơm is niam ngan mờ tiah làng bol ơm kis mơya ùr bơklau ồng kung gam lơh jat niam ngan sơl ală broă pơlam sền gàr kloh niam wàng ròng, [ồm sơnơm kơryan kòp nàng rcăng sơndră kòp jê ndul gơjroh sur châu Phi.

Mìng geh rcăng lài den hơ\ sồng tơrmù [à geh bơta aniai hoàc hươr, pal ci\t tơl ală bơta sơnơm vaccine mờ cục lơh sơnơm phan ròng neh sồr. Bơta dơ\ bàr tai là he pal tơnguh uă bơta pràn kơldang sur in. Pơnyơu bè là gròi sền dà hùc sàng kloh mờ bơta duh mrềt tàm wàng. Ba` ai cau in lik mu\t tàm anih ròng, pal gròi sền nền nòn tu\ rơndeh pơndiang lơ\, ală rơndeh mu\t pal lơh kloh jơh [ơ\ khih. Den he pal rơ sìh vôi bơh đah bơdìh mpồng mu\t tàm dơlam, tàm wàng mờ gùt dar wàng den pơgăp 10 ngai he rơ sìh dùl dơ\.

Ồng Huỳnh Thanh Tuấn, Kuang atbồ Công ty Cổ phần ròng phan CP Việt Nam sơne\ Dăk Lăk pà gi\t, tu\ do công ty gam lơh bal mờ 96 hìu làng bol tàm càr, ròng rlau 12 rbô nơm sur, puăc sur lơh geh pah nam digơlan geh 22 rbô tấn. Nàng rcăng sơndră kòp jê ndul gơjroh sur châu Phi, công ty neh sồr ală hìu gròi sền jơh bal 4 gùng, hơ\ là: puăc sur mờ ală phan bơna bơh sur; ală rơndeh rơndồ pơndiang bơh anih do tus anih ndai; gròi sền dà hùc; phan ngui ròng phan mờ ală phan [ươn lơh bơtờp kòp.

              Gah lơh sơnơm tiah do kung sùm dong làng bol [ồm dà sơnơm, lòt sền sur

Jơh ală rơndeh pơndiang phan bơh công ty dê bè phan sa kung bè kòn sơntìl ndrờm ngui rơndeh mờng ngui mờ [ồm sơnơm kơryan kòp dùl bă nền nòn ngan den hơ\ sồng geh ai mu\t tàm tiah wàng ròng bơh công ty dê. Sùm pơlam jơh ală oh min jơnau gi\t wa\ bè ròng siam sền gàr mờ rcăng pleh kòp bơtờp; lip sră pang, ală pang sră pơyua tus ală cau lơh bal in nàng cau in gi\t wa\ geh, gi\t geh bơta ngòt rơngơ\t bơh kòp jê ndul gơjroh sur châu Phi do mờ cau geh kơnòl rcăng sơndră niam rlau.

Tu\ do, Dăk Lăk là tiah geh sur uă ngan rlau jơh ală càr Tây Nguyên bal mờ mờr 77 rbô nơm. Jat ồng Thủy Lệ Vũ, Kuang atbồ Chi cục Ròng phan mờ Lơh sơnơm phan ròng càr Dăk Lăk dê yal, uă ngan geh ròng jat broă lơh tơrgùum bal dùl bơnah, uă [òn lơgar gam ròng sur tơngklàs lềng, broă lơh kloh niam lơh sơnơm phan ròng tàm ròng phan gam bơchềt bơchòt lơm.

Ồng Thủy Lệ Vũ pà gi\t, tu\ do Dăk Lăk neh sền go\ kòp jê ndul gơjroh sur châu Phi. Bal mờ broă crơng gơs mpồl lơh broă làm bă tiah drơng broă ngai kung bè mang nàng rcăng lài ngòt tu\ geh kòp den bơsong tơn, Chi cục gam pơgồp bal mờ gah lơh broă geh gơnoar, mpồl lơh sa kă bro mờ cau ròng phan lam lơh dùl ròt bal ală gùng dà broă lơh.         

Kơnờm lơh niam broă lơh rcăng sơndră kòp, den tàng tu\ do Dăk Lăk ờ hềt sền go\ geh kòp jê ndul gơjroh sur châu Phi

Tiah lơi lời gơbàn kòp den bol a` tus mhar tơn pơgồp bal mờ gơnoar atbồ tiah hơ\ tus kơryan kòp, mờ ai tơ\p pơrgu\c tơn. Bol a` pơgồp bal mờ Mpồl kảnh sát gùng lòt sơlơ lơh broă uă tàm ală trạm sền gròi kòp bơh sơnrờp nàng sền swì ală rơndeh pơndiang sur kơ`au bơh ală càr ndai mu\t. Pơgồp bal mờ mpồl ling sền gàr tiah nhàr lơgar càr, Chi cục lơh sơnơm phan ròng tiah V lam lòt sền 2 kơnhoàl tiah nhàr lơgar là Buôn Đôn mờ Ea Súp rcăng sơndră kòp jê ndul gơjroh sur châu Phi jat tiah nhàr lơgar mờ lơgar gơ\p bơyô.

Broă lơh rcăng sơndră kòp jê ndul gơjroh sur châu Phi tàm càr Dăk Lăk lơh geh ală cồng nha niam ngan. Mơya nàng gàr sùm cồng nha do den bal mờ bơta lơh ngan krà` cê jơh nùs bơh anih lơh broă geh gơnoar, mpồl lơh sa kă bro mờ hìu làng bol ròng phan dê den kờ` ngan bơta tàm sơm băt tê bal bơh mpồl bơtiàn dê tus bal tàm broă lơh rcăng sơndră kòp bơtờp ngòt rơngơ\t do.

Cau mblàng Lơ Mu K’Yến