VOV4.K’ho – Ngai òr (21/5), Sở Công thương Dak Lak bơyai lơh pơrjum ki\ ring bal ală tiah ờ ai broă lơh tơnhàu phan kuơ tàm ù, tiah ờ ai ing broă lơh tơnhàu phan kuơ tàm ù tàm càr. Tàm pơrjum, Sở Công thương càr Dak Lak neh jàu sră nggal dờp git ală bă tiah ờ ai, ală tiah ờ ai ing broă lơh tơnhàu phan kuơ tàm ù tàm càr ai ală sở, gah lơh broă geh gơ rềng mờ ală tiah in, mơkung sồr ală sở, gah lơh broă, ală mpồl lơh broă, ală tiah geh gơ rềng kơlôi sơnơng, nền nòn lơh jat di jơnau cih bơh adat boh lam dê.

 Geh git, khà tiah ờ ai, ờ ai ing broă lơh tơnhàu phan kuơ tàm ù tàm càr là rlau 2 rbô bă tiah, mờ bă ù rlau 590 rbô lồ, gơ rềng tus ală bă ù gơwèt tiah tềl kah yau – niam chài, tiah niam tiơng pơn rơ, ù brê kuơ màng, ù brê rơcang gàr bồ tô mờ ù rơndap lài là brê rơcang gàr bồ tô; ù sền gàr ngap lơngai, sền gàr dà lơgar, ù gơ wèt hìu duh broă gah pin dờn jat yàng dê, ù gơwèt tiah kềng gah halà gơnoar sền gàr ală broă lơh gùng lòt…

Cau mblàng K’Duẩn