VOV4.K’ho – UBND càr Dak Lak pa geh công điện jal mhar sồr ală kơnhoàl, thị xã, [òn dờng tàm càr tơnguh broă rơcang sơndră kòp jê ndul gơ jroh sur châu Phi tềng đap jơnau digơlan kòp bơ tờp tu\ ală càr rềp bal là Dak Nông, Gia Lai mờ Khánh Hoà neh geh kòp do.

Công điện đơs loh: Ală sở, gah lơh broă geh gơ rềng, UBND ală kơnhoàl, thị xã, [òn dờng crơng gơs mpồl lòt sền làm gah, sền sơwì broă kă bro, lơh poac sur tàm càr; lơh glài krà` ală cau pơndiang, kă bro, lơh poac sur ờ hềt geh sền gròi kòp, ờ geh tềl top [ang kì sền gròi lơh poac bơh anih lơh sơnơm phan ròng dê jat di mờ jơnau cih bơh adat boh lam dê.

Ală anih yal jơnau mblàng yal, bơto bơtê uă nàng làng bol in git bơta ngòt rơngơt bơh kòp dê, rơcang lài sơndră kòp. Ală jơnau yal bè ală bơta gơlik geh, jơnau gơ lời wơl bơh kòp dê pal di, di tu\, lơh jat tơl jơnau sồr bè rơcang sơndră kòp, sền gàr lơh sa, tac phan lơh gơs bơh poac sur kloh niam, ờ lơh gơbàn ờ suk tàm mpồl bơtiàn.

Cau mblàng K’Duẩn