VOV4.K’ho– Nùs nhơm, bồ tơngoh mờ rài kis lơh broă kăc màng bơh Chủ tịch Hồ Chí Minh dê là cơng tàng tơngo\ loh làng ngan rlau jơh, đơs mờ lơh jat ngan rlau jơh nàng jơh gùt Đảng, gùt làng bol mờ gùt ling klàng bơsram mờ lơh jat Ồng. Tài bơh bè Ồng neh cih “Làng bol mìng kờ` gơboh ală cau geh tơl nùs nhơm niam, bồ tơngoh jak. Kờ` bơto pơlam làng bol, he pal lơh gai was ai cau in đòm jat”.

Chủ tịch Hồ Chí Minh đơs là, lơh krơh, lài ngan pal lơh krơh tàm jơh ală broă bơh broă dềt tus dì broă dờng, tơngo\ sùm, bè jơh ală bơta. Kuơmàng, kuang bàng, đảng viên pal sùm gàr kơ\ bơta pal jat “Broă dà lơgar hơđang rlau jơh”, hơ\ là lời broă dà lơgar rlau mờ ală bơta lơi jơh, ơn lài mờ broă is, gi\t phi să bơta kuơ is ai bơta kuơ bơh Dà lơgar, làng bol mờ bơh Đảng dê. Tàm sùm jơh dùl rài kis lơh broă kăc màng, phi să gơnoar kuơ să tờm, tă pơgồp ai làng bol, ai dà lơgar in, Bác Hồ sùm là krơh àng, lam lài. Den tàng bè hơ\, jat Phó Giáo sư, Tiến sỹ Trần Minh Trưởng, Kuang atbồ Viện Hồ Chí Minh mờ ală kuang đơng lam bơh Đảng dê, tơl jơnau đơs bơh Bác Hồ dê geh bơta hòi tơrgùm mờ lơh jat uă ngan. Hơ\ là jơnau lài ngan lơh gơs bơta jai pha bơh dơ\ kăc màng dê.

Đòm jat krơh Hồ Chí Minh, dùl nă cau bal mờ gơnoar broă đơng lam dờng ngan rlau jơh tơngo\ krơh bơh cau kuang bàng đơng lam kăc màng dê. Kuang bàng bol he dê tàm rài tam lơh mờ Tây, tam lơh mờ Mỹ sò tơm sơgràm phà gơ gơs ală kuang bàng lơh krơh niam, lam lài. Tu\ hơ\, kuang bàng đơs là làng bol pin dờn tài bơh đảng viên lòt lài làng bol jat tơnơ\. Den tàng là bơta pin dờn bơh làng bol dê gơ ơn jơh lơm tàm kuang bàng. Kuang bàng bơr đơs gơ lòt jat bal mờ broă lơh. Hơ\ là bơta gơn kơnờm, là bơta pràn lơh gơlik geh bơta pràn tam lơh pha lin tàm 2 rài tam lơh mờ Tây, tam lơh mờ bol sò tơm Mỹ sơgràm phà.

Tàm khat tu\ tơngai lơi, nam nhai lơi bơh dà lơgar dê, ală bơta kuơ bồ tơngoh, nùs nhơm, rài kis, broă lơh niam bơne\, dờng màng bơh Chủ tịch Hồ Chí Minh dê ndrờm geh lơh jat niam mờ geh tơnguh tai bơh ală krơh, ală broă lơh dềt rơhền, mơya geh wơl bơta kuơ dờng ngan, geh bơta pràn lơh gơrề làm uă, jrô ơnàng. Hơ\ là bơta pràn bơh bơta lơh krơh, bơh nùs nhơm “bơs đơs gơ lòt jat bal mờ broă lơh”.

Giáo sư, Tiến sỹ, Nhà giáo nhân dân ồng Trần Văn Bính, lài do là Kuang atbồ Viện Niam chài mờ Bơtàu tơnguh, Học viện Chính trị Dà lơgar Hồ Chí Minh đơs là, bơta pràn hơ\, nùs nhơm hơ\ là jơnau bơsram dờng tàm bơ\t bơtàu mờ bơtàu tơnguh dà lơgar ngai do, tu\ Đảng, Dà lơgar he gam lơh ngan rcăng sơndră bơta ngai sơlơ gơbàn ờ niam bè bồ tơngoh chính trị, nùs nhơm, rài kis, ală bơta mpờl go\ “lơh gơlik is”, “tam gơl is” bơh kuang bàng, đảng viên dê.

Tàm tiah lơi kung bè hơ\ lơm, gơnoar broă bơh cau lam bồ dê là kuơmàng ngan rlau jơh, bơh tàm hìu bơnhă tus tàm mpồl bơtiàn, dilah cau lam bồ hìu bơnhă kung bè mpồl bơtìan lơh krơh niam, lam lài den oh kòn tàm hìu bơnhă kung bè làng bol bơdìh mpồl bơtiàn pin dờn lơh jat. Tàm do, a` kờ` đơs bơta pràn lơh tam gơl nùs nhơm bơh cau atbồ dê là kuơmàng ngan. Ba` tu\ lơi sơning ngui gơnoar broă là ku\p bơklơn sồr jơh tơl nă cau lơh jat là broă lơh niam ngan rlau jơh.

Tam dră bơta gơbàn ờ niam, lơh gơlik is, tam gơl is tàm kuang bàng, đảng viên ba` đơs gời mờ bơr, ba` driau dờng mờ bơr mờ pal bơh ală broă lơh ngan ngồn. Ală Nghị quyết, Quy định, Quy chế bè gròi sền gơnoar atbồ; bè kơnòl lơh krơh; bè lơh glài đảng viên lơh tìs; bè broă lơh kuang bàng, sền swì kuang bàng geh ai ngui là gùng dà broă lơh kuơmàng tơnguh uă cồng nha đảng viên, cồng nha kuang bàng, lơh sàng goh mpồl kuang bàng bơh Đảng dê. Bơh bơta geh ngan bơh [òn lơgar dê tu\ lơh jat Chỉ thị sồ 05, ală kơrnoat bơh Đảng dê bè broă lơh kuang bàng mờ kơnòl lơh krơh tàm bơsram mờ lơh jat Bác Hồ, jat ồng Thào Hồng Sơn, Phó Bí thư Thường trực Tỉnh ủy Hà Giang đơs bè do:

Bơh gròi sền, sồr bơtrồt sùm tàm [òn lơgar bol a` sền wì niam rlau, song dơ pă rlau gơ wèt mờ kấp ủy, gơnoar atbồ tàm kơnă hơđơm, hơ\ là bơh hơđang sền tus hơđơm. Ai bơh hơđơm sền tus hơđang, sền swì wơl ală oh mi tàm Ban thường vù den bol a` đơs bè do, sền swì wơl ală oh mi hơ\ geh sơl bơr đơs gơ lòt jat bal mờ broă lơh, sền ală oh mi hơ\ geh mù tus tơn kơnă hơđơm lah ờ, sền broă tơlik kơrnoat, jơnau đơs pơndu\t bơh ală oh mi dê sền làng bol hơ\ sồng sền Đảng bộ, chi bộ hơ\ geh lơh ờ, ngan tài bơh bơta sơlơ\u wơl hơ\ neh dong ală oh mi tàm ban thường vụ să tờm is he tơnguh uă kơnòl bơh he dê, he tam gơl pa is.

Giáo sư, Tiến sỹ, Kuang bàng mờng chài dờng màng ngan là ồng Hoàng Chí Bảo đơs là, nàng pơn jat tai lơh jat geh cồng nha Chỉ thị sồ 05, cau lam bồ, tơl nă kuang bàng, đảng viên pal bơr đơs gơ lòt jat bal mờ broă lơh, sùm bơsram tàp, sền swì is să tờm, krà` cê jơh ba` lời khat gơboh, ngan là tàm rài lơh sa drà kă bro bềng ală bơta gơtu\p gơtơl mờ gơhoài gơ jà, den hơ\ sồng pleh geh bơta ờ niam, ờ pràn; hơ\ sồng pơgồp bơnah tơnguh tai ală bơta kuơ tờm ngan bồ tơngoh Hồ Chí Minh:

Đơs là kal ke kung là kal ke mờ ờ kal ke kung là bơta geh ngan tài bơh đảng viên là pal lơh krơh mờ lam lài, geh kal ke bi kung pal sơrlèt gan bè hơ\ den hơ\ sồng gơ sồr nùs nhơm lơh krơh lam lài bơh đảng viên dê. Đảng viên pal sền tàm làng bol he dê tàm anih he lơh broă, ơm kis, he sền o\ geh uă krơh lam lài dờng màng ngan mờ pơndềt să ngan bơh ală làng bol bè ờs dê nàng să tờm is he pal sền tàm hơ\ nàng tơnguh să he. A` đơs ờ kal ke tài bơh gơ pal gơ gơs là jơnau kờ`, tơl nă đảng viên, kuang bàng bol he pal sền broă bơsram tàp nùs nhơm bè là dùl jơnau kờ` sùm, jơnau kờ` niam chài, ờ duh pal geh cau chồl bơtrồt, ờ duh kờ` pal geh cau lơi rồn bơklơn, sồr lơh, gơ là să tờm is bơh he dê, mờ tàm nùs nhơm do là bơta kuơ bơh nùs sền dờng màng is, bơta mờ bol he ờ huan kơlôi tus, ờ bơto tơngkah đảng viên bơta niam bè nùs nhơm sền dờng màng is, geh bơta nđàc sơngit, rài kis, git bàs sìl tu\ lơh bơta tìs, bơta iơh, cau gi\t geh bơta hơ\ den tàm broă lơh pah ngai ờ geh broă lơh tìs, pal tàp lơh niam chài nùs nhơm bè hơ\ den rài kis nùs nhơm tàm đảng hơ\ sồng gơtùi niam.

Jat ồng Nguyễn Viết Chức, lài do là Phó Kuang atbồ Ủy ban Niam chài, Bơto bơtê, ơruh pơnu, kơnòm pa tàu mờ kơnòm dềt Quốc hội dê đơs, bơsram mờ lơh jat nùs nhơm, bồ tơngoh, rài kis mờ broă lơh jak Chủ tịch Hồ Chí Minh dê, tơl nă cau pal bơsram tàp nùs nhơm bồ tơngoh, sền dờng màng bơta kuơ bơh nùs nhơm sền dờng màng is; ală kuang bàng, đảng viên mờ ờ niam tàm rài kis, ờ niam tàm bồ tơngoh, lơh tìs pal lơh glài krà` mờ kơrnoat boh lam mờ ngan ngồn pal lơh jat niam broă lơh sền swì, gròi sền gơ wèt mờ broă lơh krơh:

Lơh krơh mìng là dùl tàm ală broă lơh nàng lơh Đảng sàng goh, ngan là bol he gam bơ\t bơtàu dà lơgar kơrnoat boh lam, cau lơi lơh tìs adat boh lam den pal gơtìp lơh glài krà` mờ kơrnoat boh lam, ờ geh cau lơi gơtùi pleh klàs kơrnoat boh lam mờ sơlơ ờ geh cau lơi ơm hơđang rlau mờ kơrnoat boh lam.

Ồng Cao Văn Thống, Ủy viên Ủy ban Sền swì Dà lơgar den pơlam bè do:

Ală kấp ủy, mpồl đảng geh broă lơh gròi sền, sền swì mờ broă lơh jat kơnòl lơh krơh, pơn jat tai lơh jat ngan ngồn tàm kơrnoat lơh broă bơh ală kấp ủy, chi bộ tiah ală kuang đơng lam bồ tus bal pơrjum cribơyai, geh gùng dà lơh niam gơnoar broă gròi sền bơh ală mpồl cau, bơh làng bol mờ bơh sră báo dê den hơ\ sồng lơh geh broă lơh jat.

Lơh jat Chỉ thị sồ 05 bơh Bộ Chính trị dê bè “Lơh pràn bơsram mờ lơh jat nùs nhơm, bồ tơngoh, rài kis mờ broă lơh Hồ Chí Minh dê” gơ jat bal mờ broă lơh bơ\t bơtàu mờ lơh niam wơl Đảng geh mìng geh cồng nha ngan ngồn tu\ tàm bơta kơlôi, broă lơh, tơl nă kuang bàng, đảng viên gi\t wa\ jrô nùs nhơm, bồ tơngoh Ồng dê. Chủ tịch Hồ Chí Minh neh geh tu\ đơs: “Đơs mờ bơr, cau lơi kung đơs gơtùi lơm. He pal tàp lơh. Kal ke bè Kăc màng mờ he neh lơh geh mờ neh cồng nha. Kờ` lơh geh, he pal: lơh ngan jơh nùs jơh tồr, jơh bồ tơngoh mờ dùl nùs dùl tồr. He kah pe bơta hơ\, tàp lơh krơh ai pe bơta hơ\, jơh ală oh mi pal lơh gơtùi”.

Cau mblàng Lơ Mu K’Yến

Kờn sền jơnau cih dơ\ dùl mờ dơ\ 2 dan jà pờ tàm do: http://vov4.vov.vn/Kho/chuyen-muc/boh-chi-thi-so-03-tus-chi-thi-so-05-c162-255047.aspx; http://vov4.vov.vn/Kho/chuyen-muc/jonau-cih-do-2-bosram-mo-loh-jat-bac-ho-o-ming-la-jonau-dos-lom-goi-o-c162-255188.aspx