VOV4.K’ho- Pơrjum kấp dà lơgar “ Gùng Trường Sơn- Gùng Hồ Chí Minh, pơrya bơh nùs nhơm tơrgùm dùl dà lơgar” pa bơyai lơh tàm Gia Nghĩa, càr Dak Nông. Pơrjum bơh Bộ Quốc phòng, Ban Tuyên giáo dà lơgar mờ Tỉnh ủy Dak Nông pơgồp bal bơyai lơh. Pơrjum nàng kờ` lơh loh bơta pràn, bồ tơngoh jak mờ bơta khin cha Việt Nam dê tàm rài Hồ Chí Minh; tơngo\ bơta chài ngui bơta pràn tơr gùm bal bơh mpồl tam klăc dờng jơi bơtìan, lơh gơs jak ngan kơnòl dong kờl gơ wèt mờ kac màng tiah đah Jum dà lơgar, bơta tờm lơh nền tam lơh pha lin broă lơh tam dră mờ bòl sò tơm Mỹ tơng klàs dà lơgar, tơrgùm dùl dà lơgar.

Nam 1960, Gia Nghĩa là tiah 2 gơl gùng lam gùng Trường Sơn- gùng Hồ Chí Minh, đah Tô- đah Jum tam tìp bal, bơh gơl gùng pơn diang phan dong kờl Trường Sơn- gùng Hồ Chí Minh gơl bơh tiah đah Jum Tây Nguyên tus tiah đah Jum mat tơngai lik dà lơgar. Den tàng ngai do, Gia Nghĩa geh rơ wah là tiah bơyai lơh pơrjum.

Tus bal pơrjum kấp dà lơgar geh 350 nă kuang bàng là ală kuang ling, ală cau tus bal lơh gùng tơn tàm rài tam lơh, ală cau tus bal lơh niam gùng Hồ Chí Minh tàm tơngai tu\ do, ală cau khoa học, kuang bàng ala mat ală Bộ, gah sơnah lơh broă dà lơgar, kuang đơng lam bồ ală tiah ală càr tàm tiah rềp bal.

Đơs tàm dơ\ sơn đờm mut pơrjum, Thượng tướng Lê Chiêm, Thứ trưởng Bộ Quốc phòng, Kuang atbồ Ban đơng lam pơrjum đơs loh bơta pơrya mờ bơta kuơ màng bơh dơ\ pơrjum dê.

Bơta lơh gơs bơta ndu gơnrơh bơh gơl gùng dong kờl kuơ màng Trường Sơn – gùng Hồ Chí Minh ờ mìng geh gơnoar broă tă pơgồp bơh gùng gơ wèt mờ broă lơh kac màng bơh Đảng, gùt làng bol, gùt ling klàng he dê lơm gời mờ gam là pơr ya bơh bơta g^t gơ\p tam klăc bal tam lơh đềt mềr đah làng bol 3 lơgar Việt Nam, Lào, Campuchia tam pà bal bơta bòl glar kal ke, tam dră bal mờ bol sò tơm.

Bơh dơ\ pơrjum do, bal mờ bơta tơn ru\c bơh tu\ tơngai dê, bơta sền sơnơng pa, sră nggal pa bol he tơr gùm cribơyai, mblàng yal jrô rlau tai bè broă kah yau kuơ màng do, tơrgùm ală jơnau bơsram kah yau kuơ màng nàng pơn jat tai kơlôi sơnơng, ngui tàm broă bơt bơtàu mờ sền gàr dà lơgar ngai do mờ tơnơ\ do.

Mờ mờr 80 jơnau yal cribơyai tàm dơ\ cribơyai mblàng ală broă ngan ngồn mblàng sền ală jơnau gơbàn tờm ngan lơh gơs tam lơh pha lin kah yau Gùng Trường Sơn- Gùng Hồ Chí Minh. Lơh loh làng uă bơnah broă bơh gơl gùng dong kờl kuơ màng do. Mơkung, pơn jat tai kơlôi sơnơng, cribơyai bơsong nàng lơh jat rlau tai ală jơnau bơsram ờs mờng mờ jơnau bơsram kah yau ai broă lơh bơt bơtàu mờ sền gàr dà lơgar.

Tơngume ală jơnau cribơyai mờ jơnau đơs bơh ală kuang bàng neh lơh tus bơta ring bal bè 5 broă lơh kuơ màng lơh gơs tam lơh pha lin kah yau. Tàm hơ\ đơs ngan gùng pơn diang phan dong kờl kuơ màng gùng Hồ Chí Minh là cồng nha kuơ màng jak ngan tàm gùng dà broă lơh, đơng lam, sồr lam kac màng tiah đah Jum bơh Đảng he dê, lam bồ là Chủ tịch Hồ Chí Minh, là bơta ring bal đah nùs nhơm Đảng, geh tơngo\ ngan ngồn mờ broă lơh ngan jơh nùs “ Blah bơnơm Trường Sơn lòt tơngklàs dà lơgar”.

Thượng Tướng Nguyễn Trọng Nghĩa, Phó Chủ nhiệm Tổng cục Chính trị Ling klàng làng bol Việt Nam đơs ngan: tam lơh pha lin bơh gùng Trường Sơn- gùng Hồ Chí Minh neh tơngo\ pơn rơ ngan bơta chài ling klàng Việt Nam ngac ngar, bơceh pa, nhap nhar bơh ling klàng mờ làng bol he dê tàm broă bơt bơtàu, sền gàr, tam lơh tàm gơl gùng kuơ màng do.

Tơngkah 60 nam dùl dơ\ tai đơs ngan gùng dà broă lơh đơng lam, sồr lam là di ngan bơh Đảng he dê, kuơ màng là gùng dà broă lơh bè ling klàng, gùng dà broă lơh bè tam lơh làng bol mờ bơta chài ling klàng, bơta chài rơndap tap sèng mpồl ling. Tàm hơ\ kuơ màng ngan là ngui geh bồ tơngoh mờ nùs nhơm kờ` gơboh dà lơgar bơh làng bol he dê. Tơngo\ broă lơh khin cha jak chài mờ nùs nhơm kờ` gơboh dà lơgar uă ngan bơh ling klàng mờ làng bol he dê dùl dơ\ tai đơs ngan là bơta lơh geh cồng nha bơh gùng Hồ Chí Minh dê tàm sùm 16 nam tam lơh tam dră mờ bol sò tơm Mỹ tơngklàs dà lơgar.

Ală jơnau cribơyai bơh dơ\ pơrjum kung neh tơngo\ wơl tai ngan ngồn dơ\ tam lơh bềng bơta bòl glar kal ke, jơh nùs tàm gơl gùng Trường Sơn, bơta pơgồp bal, tam klac bal, lơh broă bal tam lơh đah ală mpồl bơt bơtàu, tam lơh, gàr niam mờ pơn diang phan…

Bơh hơ\ đơs ngan nùs nhơm bồ tơngoh khin cha jak chài bơh jơi bơtìan  he dê tài jơnau kờ` lơngap lơngai is, khat gơboh, tơrgùm dùl dà lơgar. Thiếu tướng Nguyễn Bá Tòng, lài do là  Phó Tư lệnh Chính trị Binh đoàn 12 đơs là:

Lơh mbè lơi Đảng mờ Dà lơgar pơn jat tai kơlôi sơnơng lơh geh gùng dà broă lơh mblàng yal nàng sền go\ geh gơnoar bơh mpồl ling Trường Sơn, halà gùng Trường Sơn- gùng Hồ Chí Minh geh dùl bơngă kuơ màng ngan, là dùl jơnau lơh nền lơh jat kơnòl tơngklàs tiah đah Jum tơrgùm dùl dà lơgar, dùl tơr`ang dờng bơh dà lơgar dê ờ di mìng is bơh Trường Sơn dê lơm gời.

Tàm broă bơt bơtàu mờ bơtàu tơnguh dà lơgar, gùng Trường Sơn ndu gơnrơh kung gam pơn jat tai đơs ngan gơnoar broă, bơngă kuơ màng bơh he dê, Thiếu tướng, Tiến sĩ Nguyễn Hoàng Nhiên, Viện trưởng Viện Lịch sử Ling klàng Việt Nam đơs ngan, nam, nhai neh lòt gan, gùng Trường Sơn- gùng Hồ Chí Minh neh geh uă bơta tam gơl pa, mơya ală jơnau bơsram mờng chài geh tơrgùm tàm broă bơyai lơh bơt bơtàu, đơng lam mờ sền gàr gơl gùng dong kờl kuơ màng do kung gam bè ờs bơta kuơ gơ wèt mờ broă lơh bơt bơtàu mờ sền gàr dà lơgar tu\ do.

Cồng nha bơh pơrjum dơ\ do pơgồp bơnah bơto bơtê bơhìan ai ală rơnàng pơn jat tai Việt Nam dê, kuơ màng là rơnàng kơnòm să in bè nùs nhơm kờ` gơboh dà lơgar, nùs nhơm khin cha bơh jơi bơtìan Việt nam dê, đơs ngan dùl dơ\ tai bơhìan kah yau jơi bơtìan dê.

Bơh hơ\, lơh kah rơngal nùs nhơm pơn ìơ să nàng lơh jat bơta pràn, bồ tơngoh jak bơh rơnàng kơnòm să dê ngai do tă pơgồp tàm broă lơh bơt bơtàu mờ sền gàr dà lơgar, ală jơnau cribơyai neh ai tơlik geh ală jơnau cribơyai cơng tàng loh làng, jat khoa học ngan ngồn nàng lơh geh jơnau đơs bơta đơng lam jak ngan, ngac ngar, dùl kơrnoat kah yau mờ bơceh pa bơh Đảng he dê.

Cau mblàng K’ Hạnh