VOV4.K’ho-Bơh Chỉ thị sồ 3 tus Chỉ thị sồ 5 bơh Bộ Chính trị dê bè lơh pràn bơsram mờ lơh jat nùs nhơm, bồ tơngoh, rài kis mờ broă lơh jak Chủ tịch Hồ Chí Minh dê neh tơngo\ dùl bơta geh ngan, broă bơsram mờ lơh jat Bác Hồ ờ gam là jơnau đơs mờ bơr lơm gời ờ mờ neh rơhời gơmu\t jrô, gơ gơs là broă lơh sùm, lơh is să tờm dê tàm broă lơh, tàm rài kis pah ngai bơh kuang bàng, đảng viên mờ bơh tơl nă cau dê. Jơnau cih dơ\ 2 tàm dùl ròt jơnau cih bè lơh jat Chỉ thị sồ 5 bơh Bộ Chính trị dê sơnđan mat “Bơsram mờ lơh jat Bác Hồ: Ờ mìng là jơnau đơs lơm gời ờ” geh đơs bè tơngume do.

Bơsram mờ lơh jat nùs nhơm, bồ tơngoh, rài kis mờ broă lơh jak Chủ tịch Hồ Chí Minh dê tàm uă tiah, uă anih neh rơhời gơmu\t jrô tàm bơta kơlôi sơnơng, jơnau gi\t wa\ mờ geh đòm jat tàm broă lơh pah ngai bơh kuang bàng, đảng viên dê. Phó Kuang atbồ Hìu sơnơm dờng càr Quảng Ninh, mò Đặng Thị Thúy, yal:

Bơsram krơh bơh Bác Hồ dê gơ jat bal tàm broă lơh pah ngai, ngan ngồn gơ wèt mờ broă lơh bơh he dê gơ drơng cau kòp in bè lơi. Nam 2018, Đảng bộ Hìu sơnơm dờng càr Quảng Ninh neh dan lơh 5 broă lơh pơnrơ tàm broă Bơsram mờ lơh jat nùs nhơm, bồ tơngoh, rài kis mờ broă lơh jak Chủ tịch Hồ Chí Minh dê. Ală broă lơh do pơgồp bơnah niam ngan tàm broă lơh tơnguh uă cồng nha kham sơm kòp tàm Hìu sơnơm dờng càr Quảng Ninh. Ală măy mok do rài yau ờ hềt geh ai lơh, geh ală cau kòp pal jun tus hìu sơnơm dờng halà geh ală cau kòp ờ go\ jun tus hìu sơnơm ndai, ờ geh sơm kòp gơlam tus chơ\t să, kơnờm geh măy mok do cau kòp geh dong kờl tơn dùl anih. Mu\t ngui măy mok do, cau kòp ờ duh pal roh ir uă priă jền, tơrmù geh broă jun tus hìu sơnơm dờng den tàng pleh bơta hat hal kơn jơ\ kơn ju\t ai ală hìu sơnơm kơnă hơđang in.

Bi Hoàng Thị Hoa, Kuang atbồ Hìu bơsram kấp bàr xã Ninh An, kơnhoàl Hoa Lư, càr Ninh Bình pà gi\t:

Tàm broă lơh jat mờ lơh jat nùs nhơm, bồ tơngoh Bác Hồ dê, bè pah poh hìu bơsram ndrờm bơyai lơh cribơyai gờm chờ bùng bi bồ poh, tàm hơ\ geh tơngume kơnòm bơsram halà cau pơgru yal jơnau bè nùs nhơm, bồ tơngoh, krơh niam Chủ tịch Hồ Chí Minh dê geh yal krơh pơnrơ gơguh jak mờ đơs tìs di is bơto tơngkah ală broă ờ hềt lơh geh. Pah dơ\ hìu bơsram geh bơyai lơh pơrlòng yal jơnau bè krơh niam, nùs nhơm, bồ tơngoh Chủ tịch Hồ Chí Minh dê ai ală kơnòm bơsram in. Pah nam bơsram, êt ngan kung dùl dơ\ bơyai lơh dơ\ pơrlòng do. Bol a` bơyai lơh pơgồp bal bơto krơh nùs nhơm, bồ tơngoh Chủ tịch Hồ Chí Minh dê tàm ală môn bè Ngữ văn, Lịch sử, Giáo dục Công dân, Gùng đơs crih.

Mơya, ờ go\ di pal “đơs” là “bơsram”gơtùi tơn ờ, mờ hơ\ là jơh dùl tu\ tơngai, là bơta lơh ngan bơsram tàp nùs nhơm bồ tơngoh să tờm bơh tơl nă kuang bàng, đảng viên, tơl mpồl đảng kơnă hơđơm dê. Bơdìh mờ ală broă lơh bơceh pa, bơceh lơh bơh ală mpồl đảng kơnă hơđơm, bơh ală cau dùl nă să pơnrơ den ală broă lơh “Chi bộ puan niam”, “Chi bộ pe niam, pe ờ”, “Đảng viên tề lam làng bol”, “Lơh broă jat gơnoar broă, lơh krơh tàm broă lơh”, “Tơnguh uă kơnòl, lơh jat niam adat boh lam, dipal mờ mat sơnđan Cau ling Wa Hồ”, “Pah ngai, tơl nă kuang bàng, đảng viên bơr đơs dùl jơnau niam, tê lơh jơ\t broă niam”, “Bơsram Bác Hồ pah ngai”, “Jơnau Bác Hồ bơto ngai do nam yau”…bè rbàng tàm tơrbo\ bal đah cribơyai tàm sră nggal mờ bơta geh ngan; đah jơnau đơs mờ broă lơh ngan ngồn tàm broă bơsram Bác Hồ mờ lơh jat Bác Hồ.

Pơnyơu bè tàm càr Ninh Bình den ai tơngume tờm pal tơrgùm lơh jat tàm nam do là lơh krơh bè nùs nhơm mờ kơnòl lơh jat broă dà lơgar; bơ\t bơtàu nùs nhơm lơh broă làng bol, làng bol lơh tờm, sền dờng màng làng bol, kơlôi rơcăng sền gròi rài kis làng bol in, đơs gơ lòt jat bal mờ broă lơh bơh mpồl kuang bàng, đảng viên, công chức, viên chức, ngan là cau làm bồ. Ai tàm càr Hà Nam, nam 2019 do, Ban Thường vụ Tỉnh ủy ai bơta tờm là tơnguh uă gơnoar broă, kơnòl lơh krơh bơh cau lam bồ ală kấp dê; lơh pràn broă lơh yal tơngi\t mblàng yal jơnau gơ jat bal mờ tam dră, ờ dờp jơnau yal, jơnau đơs tìs mờ bơ\t bơtàu jơnau gi\t wa\ sền dờng màng làng bol, lơh niam làng bol lơh tờm, sền gròi kơlôi rcăng rài kis ai làng bol in.

Jat mò Lê Thị Thanh Hương, Phó Kuang atbồ Ban Tuyên giáo Tỉnh ủy Hà Nam yal, broă bơsram mờ lơh jat Bác Hồ neh gơdờp pràn kơldang ngan tàm broă tam gơl nùs nhơm, bơta mờng quèng lơh broă bơh ală kuang bàng, công chức dê, geh làng bol cih dờp mờ jờng rơ ngan:

Jơnau gi\t wa\ bơh kuang bàng, đảng viên, công chức dê tàm tu\ lơh jat tu\ jiơ lơh broă geh bơta gơ tam gơl, tàm tu\ pơrjum cribơyai kung geh sơl bơta tam gơl, lòt pơrjum di tu\, lòt lơh broă di jiơ. Geh ală broă lơh bè jơh broă mơya ờ jo\ jơh jiơ, hơ\ là pal lơh jơh broă geh bal bơdìh mờ tu\ jiơ. Tàm ală anih lơh broă gơrềng tơn tus làng bol den nùs nhơm drơng broă làng bol in niam rlau. Làng bol đơs niam ngan nùs nhơm geh kơnòl bơh kuang bàng dê tàm ală tu\ wa\ làng bol kung bè tàm tu\ bơsong broă lơh tu\ jiơ mhar rlau. Nùs nhơm đah kuang bàng công chức mờ làng bol rềp mềl rlau mờ lơh geh bơta pin dờn ai làng bol mờ anih lơh broă geh gơnoar dà lơgar dê.

Chỉ thị sồ 05 geh lơh jat gơ jat bal mờ ală Kơrnoat Dà lơgar 4 khoá 11, khoá 12 bè sơlơ bơ\t bơtàu, lơh niam wơl Đảng neh lơh geh ală bơta gơ tam gơl loh làng ngan bè adat boh lam, kơrnoat dà lơgar, tă pơgồp uă ngan tàm bơta bơtàu tơnguh lơh sa- mpồl bơtiàn, tàm broă lơh kuang bàng bơh Dà lơgar tus [òn lơgar, dùl broă lơh kuơmàng, geh đơs là “dờng màng bơh jơh ală dờng màng, jơnau bơh jơnau ală jơnau dê”. Jat ồng Lại Thế Nguyên, Ủy viên Ban Thường vụ, Kuang atbồ Mpồl Tổ chức Tỉnh ủy Thanh Hoá đơs, ală broă lơh do neh tam gơl, bơsong di tu\ ală bơta ờ ờ hềt pràn jak, ờ hềt niam tàm broă lơh bơ\t bơtàu Đảng.

Ală tu\ lơh jat Kơrnoat dà lơgar 4 bol a` neh bơsong ală bơta gam ờ hềt pràn jak tàm broă lơh rơndăp tăp sèng kuang bàng. Bơh broă pồ bơh pơrlòng, bơh broă ai tus lơh broă, tàm ntrờ`, lơh geh nùs nhơm làng bol lơh tờm tàm broă lơh kuang bàng tàm ntrờ`. Bơdìh mờ broă pồ kuang bàng bơh pơrlòng sac rwah, Thanh Hoá neh tàm pơdar, tàm ntrờ`, ai tus lơh broă Bí thư, Chủ tịch ală kơnhoàl ờ di là cau tàm tiah hơ\ mờ kấp xã kung lơh niam ngan. Bơh lơh jat Kơrnoat nùs nhơm kơnòl bơh kuang bàng đảng viên dê tàm tu\ lơh jat gơnoar broă, kơnòl broă geh jàu niam rlau. Nùs nhơm drơng broă, lơh tam gơl pa sră nggal kung geh niam rlau.

Cau mblàng Lơ Mu K’Yến

Kờn sền jơnau cih dơ\ dùl dan jà pờ tàm do: http://vov4.vov.vn/Kho/chuyen-muc/boh-chi-thi-so-03-tus-chi-thi-so-05-c162-255047.aspx