Đơs tàm dơ̆ tìp, Củ tịc lơgar ồng Lương Cường đơs sùm, tàm 78 nam do, ngan là tơnơ̆ mờr 40 nam tam gơl pa Đảng, Dà lơgar neh ai lơh jat uă broă lơh, broă dong kờl cau geh màng mờ Dà lơgar mờ kăc màng mờ ală broă lơh hơ̆ sùm geh lơh sir; ală broă lơh “kis gĭt jơnau gĭt adat”; srơh “Jơh gùt làng bol sền gàr ală hìu bơnhă cau ling sồt să, cau ling chơ̆t màng mờ cau geh màng mờ Dà lơgar mờ kăc màng” ngai sơlơ bơtàu tơnguh jrô ơnàng làm uă; pơgồp bơnah sền gròi niam rlau tai ai cau geh màng mờ Dà lơgar tàm jơh gùt lơgar dê.

Tàm tơngai tus, Đảng, Dà lơgar rơ̆p pơn jat tai lơh sir broă lơh, adat boh lam bè dong kờl cau geh màng mờ Dà lơgar, hòi jà tơl bơta pràn mpồl bơtiàn nàng broă lơh do ngai sơlơ geh lơh jat niam rlau mờ nền nòn rlau tai.