Củ tịc Quôk hội ồng Trần Thanh Mẫn pin dờn dơ̆ lòt còp rơ̆p là tềl lời wơl kwơmàng, pờ tơlik dùl tŭ tơngai pa ai gĭt gơ̆p Việt Nam mờ Thái Lan in. Củ tịc Quôk hội sồr 2 đah gơtùi ngui jơh bơta ƀươn bơtơl tàm ală broă bè lơh sa sồ, năng lượng tơlir, ală anih lơh gơlik phan tăc blơi kơnhoàl ù tiah do mờ broă lơh sa sươn sre ngăc ngar, ngui jơh ală jơnau hơ kă bro phan khăt gơboh, bè Jơnau hơ̆ Tam klăc lơh broă bal Lơh sa Tơl làm Kơnhoàl ù tiah do (RCEP) nàng lơh geh jơnau kờñ priă geh bơh kă bro phan 25 tơmàn dolar Mỹ tàm nam 2030.

Thủ tướng lơgar Thái Lan mò Paetongtarn Shinawatra pà gĭt, jơnau kờñ dơ̆ lòt còp lơgar Việt Nam dơ̆ do nàng kờñ tàm lùp mờ ală kwang đơng lam lơgar Việt Nam bè ală broă lơh sơlơ lơh broă bal tai đah bàr lơgar tàm tơngai tus, ngan là bè lơh sa, bơcri priă mờ kă bro phan nàng kờñ ai gĭt gơ̆p 2 lơgar gơguh tus broă dờng pa.