
Tàm dơ̆ tìp mat, Củ tịc Quôk hội ồng Trần Thanh Mẫn neh yal mờ cau tĕ khà in bè ală tơngume mờ tŭ tơngai geh bơyai lơh pơrjum dơ̆ 9, Quôk hội khoă 15; ală gùng dà broă lơh bơh Đảng bè broă lơh tơrmù di pal mpồl lơh broă bơh ală anih lơh broă cíñ trị dê.

Pơrjum kờp dŭ geh bơyai lơh bơh ngai 5/5 tus ngai 30/06, sền sơ wì ring bal rlau 30 rơndăp broă lơh Adat, 20 jơnau rcang cih Jơnau lơh nền tàm pơrjum. Tàm hơ̆, kwơ màng ngan rlau jơh là tam gơl 8 bơta bơh Sơnoa boh lam nam 2013 nàng drơng broă rơndăp tăp sèng, tơrmù di pal mpồl lơh broă. Củ tịc Quôk hội đơs sùm, do là dùl tàm broă lơh kwơ màng nàng tơrmù di pal mpồl lơh broă, gàr niam bơta cồng nha lơh broă, gơtùi lơh broă mờ geh cồng nha, drơng làng bol in. Lài hơ̆, di dơ̆ tơngkah kir sơnrai 50 nam tơngklàs tiah đah Jum, tơrgùm dùl Dà lơgar, Củ tịc Quôk hội ồng Trần Thanh Mẫn neh còp, pà phan ai Mè Việt Nam khin cha jak chài; còp, pà phan 50 hìu bơnhă geh sră dong kờl Dà lơgar, cau geh màng mờ Dà lơgar tàm ƀòn dờng Vị Thanh, càr Hậu Giang dê.
Viết bình luận