Tàm hơ̆, bàr rơndăp broă lơh gơ wèt gơl gùng Phạm Văn Đồng, sơnah ƀòn Sông Cầu neh gơ dŏ jòng rlau 4 nam, bơnah lơh jăt rơ̆p pa geh 30% lơm. 3 rơndăp broă lơh phan bơna bơ̆t bơtàu tiah làng bol ơm kis Đồng Bàu Neo, thôn 3 mờ Hòa Lợi gam gơkòl măt ù, bơnah broă lơh là 23%, 3% mờ 15%. Rơndăp broă lơh lơh niam wơl mờ lơh ơnàng gùng ĐH.31 kung lơyài tơngai pơrgon lơh sơl, bơnah broă lơh gùng lòt geh 45%.

Sồr lơh tàm dơ̆ lơh broă, ồng Đào Mỹ, Phó Chủ tịch Anih duh broă Làng bol càr Dăk Lăk sồr ală ƀòn lơgar kràñ cê jơh nùs sờr ntrờn ai măt ù; ală cau tờm bơcri priă mờ cau tờm lơh rơcăng lài pơgồp bal, tă bơsong kal ke, lơh jăt jơnau sồr kơrnoăt boh lam dê. Ală cau tờm lơh kơldăng bồ lơh lơyài, ờ lơh jăt jơnau hơ rơ̆p gơtìp tơlik bơh ală rơndăp broă lơh ndai.