- Lam bồ mŭt còp ies, Mpồl kwang bàng Mpồl Duh broă Đảng Kộng sản Việt Nam bơh ồng Tô Lâm, Tổng Ƀí thư Mpồl Duh broă Đảng Kộng sản Dà lơgar Việt Nam, lơh cau Lam bồ mpồl mŭt còp ies ƀồc ồng Trần Đức Lương, Củ tịc lơgar lài do.

 Tơngăc ƀồc ồng Trần Đức Lương, Củ tịc lơgar lài do, ồng Tô Lâm, Tổng Ƀí thư cih tàm pang sră ies cau chơ̆t: “Jơh nùs kah sơnđàc ngan ồng Trần Đức Lương- cau đảng viên Kộng sản dòn song kơ̆ nùs, cau đơng lam jơh nùs jơh tồr, lơh krơh ngan, cau kòn jak chài ngan ƀòn lơgar tờm Quảng Ngãi khin cha jak chài dê, bềng bơhiàn kăc màng.

Ồng Trần Đức Lương neh ơn pơdơng jơh dùl rài kis he dê ai broă lơh kăc màng bơh Đảng mờ Jơi bơtiàn dê in. Tàm tơl gơnoar broă, ồng sùm tơnggŏ bơta kơ̆ nùs cíñ trị kơnhăp ngan, nùs nhơm àng sơrdah song dơ pă dòn song, geh broă lơh broă jak chài, jơh nùs jơh tồr; geh bơta ơm kis đềt mềr, pơndềt să, rềp mềl ngan mờ cau lơh broă bal, oh mi mờ làng bol…geh cau lơh broă bal, oh mi, gơ̆p bơyô mờ làng bol ki ngàm.

Ồng roh tĕ là dùl hoàc hươr dờng ngan gơ wèt mờ Đảng, Dà lơgar mờ Làng bol he. Dan ki ngàm kun bồ tềng đăp hwềng suàn ồng dê mờ dan pơyua tus hìu bơnhă ồng jơnau tam pà bal bơta muăt jrùm uă ngan”.

- Mpồl Củ tịc lơgar Kộng hoà Sàh hội Củ nghĩa Việt Nam bơh ồng Lương Cường, Kwang bàng Ƀộ Cíñ trị, Củ tịc lơgar Kộng hoà Sàh hội Củ nghĩa Việt Nam, lơh cau Lam bồ mpồl mŭt còp ies ƀồc ồng Trần Đức Lương- Củ tịc lơgar lài do.

 - Mpồl Cíñ phủ lơgar Kộng hoà Sàh hội Củ nghĩa Việt Nam bơh ồng Phạm Minh Chính, Kwang bàng Ƀộ Cíñ trị, Thủ tướng lơgar Kộng hoà Sàh hội Củ nghiã Việt Nam, lơh cau Lam bồ mpồl mŭt còp ies ƀồc ồng Trần Đức Lương, Củ tịc lơgar lài do.

 - Mpồl Quôk hội lơgar Kộng hoà Sàh hội Củ nghĩa Việt Nam bơh ồng Trần Thanh Mẫn, Kwang bàng Ƀộ Cíñ trị, Củ tịc lơgar Kộng hoà Sàh hội Củ nghĩa Việt Nam, lơh cau Lam bồ mpồl mŭt còp ies ƀồc ồng Trần Đức Lương, Củ tịc lơgar lài do.

 - Mpồl Anih duh broă Mặt trận dà lơgar Việt Nam bơh ồng Đỗ Văn Chiến, Kwang bàng Ƀộ Cíñ trị, Ƀí thư Đảng Dà lơgar, Củ tịc Anih duh broă Mặt trận Dà lơgar Việt Nam, lơh cau Lam bồ mpồl mŭt còp ies ƀồc ồng Trần Đức Lương, Củ tịc lơgar lài do.

- Dơ̆ pơrjum kah pơlai ồng Trần Đức Lương, Củ tịc lơgar lài do geh bơyai lơh dờng ki ngàm ngan tàm tŭ 7 jiơ drim ngai 25 nhai 05 nam 2025 tàm Hìu bơyai lơh ies tơ̆p ƀồc Dà lơgar, sồ 05 gùng Trần Thánh Tông, ƀòn dờng Hà Nội. Dơ̆ pơrjum tơ̆p ƀồc tàm tŭ 3 jiơ mho dùl ngai bal tàm Ƀlàng tơ̆p ƀồc ƀòn tờm, sàh Phổ Khánh, ƀòn drà dờng Đức Phổ, càr Quảng Ngãi.