Tàm pơrjum, Gah Đơng lam Ling tiah 7 neh jào pà Sră jờng rơ ai 23 mpồl bal mờ 52 nă cau geh cồng nha jăk ngan tàm broă pơgồp bal mblàng yal bè broă lơh bơh ling tiah 7 dê tàm nam 2024 mờ 6 nhai bồ nam 2025.

Tàm hơ̆, anih lơh broă sùm Anih jơnau đơs Việt Nam tàm ƀòn dờng Hồ Chí Minh pơnyờ să geh jờng ai mpồl mờ dùl nă cau dùl nă să in. Đơs tàm dơ̆ tìp măt, Thiếu tướng Trần Vinh Ngọc, Cíñ ủy Ling tiah 7 sồr tàm tơngai tus, ală anih lơh broă mblàng yal pơn jăt tai lơh pràn broă pơgồp bal, tơrgùm yal bè ală broă lơh jŏ jòng sền gàr dà lơgar lơngăp lơngai; ală broă lơh tàp ling, tŭ lơi kung rơcang tam dră; rơcang tam dră mờ rềs àr bơh trồ tiah, kòp gơtờp, dong klàs cau gơtìp rềs àr Bal mờ hơ̆ là mblàng yal bè bơ̆t bơtàu broă sền gàr dà lơgar gùt làng bol, pơgồp bal mờ broă sền gàr bơta lơngăp lơngai làng bol mờ bơ̆t bơtàu tiah rơcang gàr lài kơl jăp tàm tiah Ling mpồl ơm lơh broă.