Đơs đơng lam tàm Pơrjum dờng, ồng Trần Cẩm Tú đơs sùm, sơnah ƀòn Bàn Thạch pal bơt bơtàu gơnoar atbồ ƀòn lơgar pa ngan, song dơ pă, drơng broă Làng bol; tơnguh uă bơta pràn jak mpồl kwang bàng, lơh jat tam gơl sồ tàm atbồ, tam gơl niam sră pơ àr gơnoar atbồ geh cồng nha, rềp làng bol, mềr mờ làng bol. Mơkung sồr Thàñ ủy ƀòn dờng Đà Nẵng mờ ală Sờh, gah broă pơn jat tai sền gròi, dong kờl, tă bơsong kal ke ai Bàn Thạch in tàm tơngai sơn rờp lơh jat broă lơh gơnoar atbồ 2 kấp.

Pơrjum dờng kung yal Jơnau lơh nền bơh Mpồl Lơh kơnòl broă sùm Thàñ ủy ƀòn dờng Đà Nẵng sồr Mpồl duh broă Đảng ƀộ, Mpồl Lơh kơnòl broă sùm Đảng ủy, Ƀí thư, Phó Ƀí thư Đảng ủy sơnah ƀòn  Bàn Thạch, tơngai lơh broă bơh nam 2025 – 2030. Mpồl duh broă Đảng ƀộ sơnah ƀòn, geh 28 nă cau; Mpồl Lơh kơnòl broă sùm Đảng ủy sơnah ƀòn geh 10 nă cau. Ồng Nguyễn Duy Ân, lài do là Củ tịc Anih duh broă Làng bol ƀòn dờng Tam Kỳ (yau) geh sồr lơh Ƀí thư Đảng ủy sơnah ƀòn; 2 Phó Ƀí thư Đảng ủy sơnah ƀòn là ồng Lê Ngọc Dương mờ ồng Dương Văn Tuấn.