Gĭt nđờ rơbô tŭ tơngai niam lơh broă tàm gah logistics tus mờ cau bơsram dờng Tây Nguyên
Thứ sáu, 08:26, 08/05/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Drim òr (07/05), Hìu bơsram Đại họk Tây Nguyên pơgồp bal mờ Ală mpồl Anih ơhò ơm - Dà lềng càr Dăk Lăk bơyai lơh ngai chờ lơh broă, yal tơngĭt gĭt nđờ rbồ tŭ tơngai niam lơh broă ai cau bơsram dờng tàm tiah tàm gùl lơgar mờ Tây Nguyên in, is ồn tàm gah broă logistics.
Tus bal broă lơh geh 40 mpồl lơh sa kă bro mờ 40 cơldŭ săc rơwah ală tiah lơh broă bè cau lơh broă cơldŭ lơh broă, kế tián, lập trình viên AI, ngui anih ơhò ơm dà lềng, măi mok ơhò dà lềng, măi mok ôtô... lời ai pơgăp 4 rơbô nă cau bơsram dờng tus bơh uă hìu bơsram, kao đẳng tàm tiah do dê.
Bơdìh mờ broă sac rơwah cau lơh broă, cau bơsram dờng gam tus bal pơrjum “Ngai chờ lơh broă Valoma 2026” mờ tơngume “Bơtàu tơnguh mpồl lơh broă - bơceh lơh rài tơnơ̆ do”. Tàm do, ală cau jak chài tam pà uă tơngume bè gùng dà broă lơh lơh broă pa, bơta chài lùp jơnau mờ pơlam gùng dà broă lơh nàng kờñ dong cau bơsram dờng in tơnguh uă bơta pràn jak tàm pơrlòng tàm drà lơh broă.
Viết bình luận