Nam do, càr Kon Tum geh rlau 5 rơbô 300 nă kơnòm bơsram cih mat tus bal pơrlòng jơh bơsram kấp pe. Nàng tơnguh uă cồng nha bơsram wơl jơnau bơsram, rlau 220 nă cau pơgru neh tus bal is dong kờl kơnòm bơsram. Jat tàm cồng nha pơrlòng tơrlòng lài mờ broă lơh bơsram wơl jơnau bơsram bơh nhai 3 tus tŭ do, kơnòm bơsram geh tam pà gơs 3 mpồl: pràn jak ờ hoan geh, di mơ, jak- jak ngan. Broă bơsram wơl jơnau bơsram geh bơyai lơh dipal tơl mpồl nàng kờñ dong ală kơnòm bơsram in gĭt loh ngan jơnau bơsram, bơta chài lơh jơnau pơrlòng.

Sờh Bơto bơtê mờ Bơsram càr Kon Tum neh tơlik mat mpồl lòt sền tus tơl ală hìu bơsram nàng bơto pơlam, dong kờl, mơkung sồr Mpồl lam bồ hìu bơsram sŏk sền tŭ tơngai bơsram wơl jơnau bơsram tus tơl dơ̆, tơl poh. Ală hìu bơsram kung jat sền nền nòn bơta gĭt wă bơh kơnòm bơsram dê mờ đơs nền pah dơ̆ cồng nha bơsram wơl jơnau bơsram tơl môn dê. Do là lơh ngan ngan ngồn nàng kờñ tơnguh uă khà gơ kờn mờ điềm pơrlòng tàm dơ̆ pơrlòng jơh bơsram kấp pe mờr tus in.