Lâm Đồng ai tiah bơsram ai mờr 1 rơbô 300 nă kơnòm dềt ntrờn tus Dà Làc
Thứ sáu, 10:32, 18/07/2025
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Gah bơto bơtê mờ bơsram càr Lâm Đồng gam mhar ngan ai hìu bơsram, ơdŭ bơsram nàng wă mờr 1 rơbô 300 nă kơnòm bơsram ală kấp bơh 2 càr Dăk Nông (yau) mờ Bình Thuận (yau) jat mè bèp tus Dà Làc lơh broă.
Tàm hơ̆, càr Dăk Nông (yau) geh rlau 900 nă kơnòm bơsram mờ càr Bình Thuận (yau) rlau 360 nă kơnòm bơsram.
Jat Sờh Bơto bơtê mờ bơsram càr Lâm Đồng, tŭ do ală hìu bơsram tàm ù tiah Dà Làc neh uă ir bè ală ơdŭ kung bè khà kơnòm bơsram tơl ơdŭ dê. Den tàng, bal mờ lơh jat gùng dà broă lơh rơndăp tăp sèng ơdŭ bơsram wă mờr 1 rơbô 300 nă kơnòm bơsram, càr neh kờp tus broă lơh jŏ jòng là lơh hìu bơsram pa, sac rơ wah ai lơh broă tai cau pơgru.
Viết bình luận