Tơnơ̆ dơ̆ wă rò, bàr kwang đơng lam neh bơyai lơh cri bơyai. Ồng Trần Thanh Mẫn, Chủ tịch Quốc hội neh chờ gờm mờ đơs nền, dơ̆ tus còp mùl màl lơgar bơdìh sơnrờp ngan bơh ồng Sonexay Siphandone tàm gơnoar broă Chủ tịch Quốc hội lơgar Lào dê rơ̆p pơgồp bal tàm broă tơnguh nùs nhơm pin dờn chính trị, tơnguh broă lơh broă bal đah bàr anih lơh broă adăt boh lam mờ lơh pràn git gơ̆p lơh bơyô bal kwơ màng, tam klăc bal kwơ màng, lơh broă bal tơl ală bơta, pơgồp bal bơta kwơ đah lơgar Việt Nam mờ lơgar Lào dê.

Đơs nền tus mờ lơh broă bal nghị viện là dùl bơta tờm kwơ màng tàm kờp jơh ală bơta git gơ̆p đah lơgar Việt Nam mờ lơgar Lào, pơgồp bal lơh mùl màl jơh ală gùng dà broă lơh mờ jơnau ring bal bơh kwang đơng lam kấp dờng bàr Đảng, bàr lơgar, bàr kwang đơng lam ring bal pơn jăt tai lơh pràn lơh broă bal đah bàr Quốc hội dê; tơnguh broă tam gơl broă lơh mờng chài bơ̆t bơtàu, lơh gơs mpồl adăt boh lam, bơyai lơh mpồl kwang bàng dà lơgar, lơh broă bơh gơnoar atbồ tàm ală càr, ƀòn dờng, kung bè broă jăt sền broă lơh jăt ală jơnau ring bal kấp dờng mờ ală broă lơh, rơndăp broă lơh tờm đah bàr lơgar dê.