Ồng Lê Minh Hưng, Thủ tướng Chính phủ đơs sùm dơ̆ lòt còp pơgồp bơnah bơ̆t bơtàu pràn kơldăng pin dờn chính trị, tơngguh tai gĭt gơ̆p đah đơng lam bàr lơgar mờ chồl pràn lơh broă bal đah bàr Quốc hội. Thủ tướng đơs nền Việt Nam sùm lời ai lài uă ngan rlau jơh ai gĭt gơ̆p mờ Lào in; mơkung pơgồp bal niam mờ Chính phủ mờ ală anih lơh broă geh gơrềng bơh Lào dê lam lơh geh cồng nha Ală jơnau cribơyai ring bal neh ring bal. Bàr đah dùl nùs bal lơh gơlik tam gơl pràn tàm lơh broă bal lơh sa, kă bro phan mờ bơcri priă; chồl pràn tàm tơrbŏ phan bơna bơ̆t bơtàu gùng lòt, năng lượng, tam gơl sồ, bơtàu tơngguh mpồl cau lơh broă mờ sơlơ tìp măt lơh kwèng làng bol.

Bàr lơgar kung rơ̆p pơgồp bal bơyai lơh geh cồng nha ală broă lơh tàm tơngume “Nam Tam klăc Gơ̆p bơyô đềt mềr Việt Nam mờ Lào 2027”. Ồng Sonexay Siphandone đơs nền Quốc hội Lào rơ̆p pơn jăt tai pơgồp bal niam mờ Quốc hội Việt Nam, pơgồp bơnah chồl pràn gĭt gơ̆p gơ̆p bơyô dờng ngan, tam klăc dờng màng, lơh broă bal tơl làm mờ tam klăc bal jŏ jòng đah bàr lơgar ngai sơlơ bơtàu tơngguh kơnhăp jŏ.