Lơh broă sa suơn sre gơguh rlau 20% pơndrờm dùl tŭ bal mờ nam lài, khà jơnhoa ngan rlau jơh bơh bồ nam dê. Gah lơh sa mờ tam pà ồs đèng gàr gơnoar broă tờm mờ khà lơh geh rlau 2 tơmàn 400 tơlak kWh, gơguh 16%. Kă bro phan, lòt nhơl bơtàu tơnguh wơl loh làng, kờp jơh khà tăc rah rài phan bơna mờ priă lơh geh drơng broă ngui sa gơguh mờr 15%, khà năc lòt nhơl gơguh uă rlau 1 dơ̆ nggùl pơndrờm mờ nam lài. Is ồn, rề dia lơh geh mờr 5 rơbô tơmàn đong, gơguh rlau 35% pơndrờm dùl tŭ bal mờ nam lài.

Tàm broă lơh sa suơn sre, bulah ờ hềt mut tàm kàl tơnhào tờm, ròng phan pơn jat tai bơtàu tơnguh pràn, kờp jơh mpồl phan ròng gơguh rlau 17%, khà poăc gơguh mờr 6%. Broă lơh rcang lài kơryan kòp mờ ròng wơl mpồl phan ròng geh lơh jat dồ ròt bal, geh cồng nha, gàr niam bơta kơ̆ kơl jăp gah ròng phan in.