Tàm pơrjum, ală cau ala măt tơrgùm mblàng sền sền swì lơh broă mblàng yal sền gàr bơta tờm bồ tơngoh Đảng dê; cồng nha pơnrơ ngan tàm gĭt wă rơcăng lài kơryan, tam dră ờ dờp, kơryan, bơsong ală jơnau yal iơh ờ niam, ngan là tam dră mờ ală mpồl lơh sa kă bro lơgar bơdìh sồr pal tă sang ală tơngume lơh tìs; dan geh ală broă lơh bơsong kal ke, kràñ cê kơ̆ nùs tàm sền gŏ lùp khàu, gĭt nền cau, ală broă lơh lơh tìs mờ broă lơh tam dră bơsong; Broă rơndăp lơh lơh broă bơh Mpồl sồr lơh 35 Dà lơgar dê tàm bơta pa.

Đơs pơndŭt pơrjum, Duh broă sùm Mpồl Đơng lam Đảng Dà lơgar, Lam bồ Mpồl Sồr lơh 35 Dà lơgar dê ồng Trần Cẩm Tú đơs sùm bơh tŭ do tus lồi nam là jơh gùt Đảng, gùt ling klàng, gùt làng bol gam ai jơh pràn tàm pơrlòng lơh geh cồng nha Jơnau lơh nền tàm pơrjum bơh Pơrjum dờng 13 Đảng dê mờ ală jơnau sồr kwơmàng Dà lơgar dê, bơyai lơh Pơrjum dờng Đảng ƀộ ală kâp wèt tus Pơrjum dờng cau ala măt gùt lơgar dơ̆ 14 Đảng dê.