Mut lơh “Ngai chờ Hìu bơnhă Việt Nam nam 2025”
Thứ sáu, 06:00, 27/06/2025 Cau mblàng: K’Duẩn/ VOV Tây Nguyên Cau mblàng: K’Duẩn/ VOV Tây Nguyên
VOV4.K'Ho - Mờ tơngume “Hìu bơnhă gơboh gơbài – Dà lơgar bơtàu tơnguh”, Ngai chờ hìu bơnhă Việt Nam nam do geh bơyai lơh tàm Anih tờm Niam chài – Lòt nhơl càr Dăk Lăk bơh ngai 25/6 tus jơh ngai 29/6 mờ bơta tus bal bơh 7 càr, ƀòn dờng geh: Sơn La, Tuyên Quang, Lạng Sơn, Ninh Bình, Thanh Hóa, Huế mờ Dăk Lăk.

Tàm ngai chờ, geh uă broă lơh bè: Broă lơh đơs crih tamya lơh lèu, đơs crih tamya làng bol, tìp mat lơh kwèng mờ jờng rơ ală cau geh pơn rơ gơguh jak tàm broă “sền gàr gơboh gơbài hìu bơnhă”. Ràng tơlik yal tơnggit bơta niam chài tàm hìu bơnhă, broă rơcang lài kơryan tam lah tam lơh tàm hìu bơnhă, bơt bơtàu hìu bơnhă hờm ram, ring bal, gơ tàm sòr, gơboh gơbài. Ràng tơlik yal tơnggit sră mờ tac ală phan OCOP, phan ngui sa, phan bơkah tiơng pơn rơ kơnhoàl ù tiah geh bơta niam uă bơh ală càr dê. Do là broă lơh niam chài gờm chờ ngai Hìu bơnhă Việt Nam 28/6. Bơh hơ̆ nàng kờñ tơnguh jơnau git wă bơh ală gah broă lơh, ală kâp mờ jơh gùt mpồl bơtiàn bè gơnoar broă hìu bơnhă Việt Nam dê tàm rài brồ să jơi bơtiàn dê.

Cau mblàng: K’Duẩn/ VOV Tây Nguyên

Viết bình luận

TIN CÙNG CHUYÊN MỤC