Phó Thủ tướng ồng Nguyễn Chí Dũng đơng lam pơrjum bè Ală jơnau neh lơh nền Tơn jơh lơh jăt Jơnau lơh nền tàm pơrjum Dà lơgar 5 khoă XII bè mpồl lơh sa kă bro Dà lơgar
Thứ tư, 13:10, 18/06/2025 Cau mblàng Ndong Brawl/VOV Cau mblàng Ndong Brawl/VOV
VOV4.K'Ho- Tàm Hìu lơh broă Cíñ phủ, Phó Thủ tướng ồng Nguyễn Chí Dũng đơng lam pơrjum bè Ală jơnau neh lơh nền Tơn jơh broă lơh jăt Jơnau lơh nền tàm pơrjum Dà lơgar 5 khoă XII bè mpồl lơh sa kă bro Dà lơgar (Jơnau lơh nền tàm pơrjum sồ 12 bơh Dà lơgar dê).

Jơnau lơh nền tàm pơrjum ờ mìng bơsong ală bơta gam gơkòl bè toh wơl priă, bơcri priă bal, gùt dar Jơnau lơh nền tàm pơrjum sồ 12 mờ Jơnau lơh nền tàm pơrjum pa pal  gơcèng bơta tam gơl pràn gơwèt mờ mpồl lơh sa kă bro Dà lơgar bè Jơnau lơh nền tàm pơrjum sồ 68 gơwèt mờ tiah lơh sa làng bol dê lơh is, pal gàr jơnau kờñ bơh dơ̆ lơh sa mờ măi mok 4.0 dê, lơh bè lơi nàng ală mpồl lơh sa kă bro lơh pràn nàng bơtàu tơnguh pràn kơl dang, tơnguh geh gơnoar lam lài nàng tề lam gah lơh sa mờ gơnoar lơh tờm bơh gah lơh sa dê.

Jơnau đơs pơn dŭt dơ̆ pơrjum, Phó Thủ tướng ồng Nguyễn Chí Dũng ai tơngŏ ală bơta pràn kung bè broă lơh gam ờ pràn bơh ală tiah mpồl lơh sa kă bro dà lơgar dê, đơs tờm pal geh ai nàng bơ̆t bơtàu jơnau lơh nền tàm pơrjum ai tiah mpồl lơh sa kă bro Dà lơgar in là pal geh ală bơta pa, bơta pràn tàm tơngai pa, ờ mìng tơrgùm bơsong ală broă gơrềng bal tus mờ toh wơl priă, tơrgùm bal jơh priă, tam pà gơnoar, priă nhai mờ pal kơlôi sơnơng tơl ală bơta.

Cau mblàng Ndong Brawl/VOV

Viết bình luận

TIN CÙNG CHUYÊN MỤC