Bè tơngai lơh broă bơh nam 2020 tus 2025, Thủ tướng đơs loh bơta is ồn mờ uă tam gơl ờ hềt tŭ lơi geh bè kòp Kovid-19, tam lơh tàm ală lơgar, rềs àr bơh trồ tiah, ù tiah…, Cíñ phủ tơrgùm pe broă lơh pràn jŏ jòng, bơtàu tơnguh phan bơna, gùng dà broă lơh, cau lơh broă; gàr tơl kơl jăp broă lơh sa dờng, sền gàr lơngăp lơngai rài kis mpồl bơtiàn.

Mơya, gam geh bè gùng dà broă lơh tàm rơndăp rơndồl, lơh tam gơl pa wơl lơh sră pơ àr gơnoar ătbồ ờ hềt lơh di jơnau kờñ, lơh glài ờ hềt kràñ. Thủ tướng sồr sră nggal đơs loh jơnau bơsram mờng chài, ai geh gùng dà broă lơh tàm tơngai lơh broă tus in: gơguh lơh sa bàr nơm khà, priă  lơh geh kờp bal dùl nă cau geh 8 rơbô 500 dolar Mỹ, 20% mpồl Đảng lơh gơs jăk ngan kơnòl broă. Bơta tờm là tam gơl broă lơh gơguh lơh sa tơlir, kơl jăp; lơh gơs phan bơna bơ̆t bơtàu kwơ màng; tơnguh tai broă sền gàr dà lơgar, lơngăp lơngai.