
Tơm bơh bơr rềp mềr mờ làng bol kis tàm lơgar Lo, Thủ tướng đơs: mpồl Việt Nam tus bal Pơrjum ờs mờng pah nam ală cau lam lài dơ̆ 16 bơh Cribơyai Lơh sa dunia tàm Thiên Tân mờ nùs nhơm geh kơnòl, “geh uă bơta nàng đơs, geh uă bơta nàng pơnyờ să”, bơh hơ̆, đơs nền geh gơnoar mờ bơngă pin dờn bơh Dà lơgar he dê.

Bè bơta gĭt gơ̆p 2 lơgar, Thủ tướng đơs loh, Việt Nam mờ Lo tam klăc bal mờ gơ̆p gĭt nđờ rơbô rài do, den tàng, sơlơ tơnguh tai bơta gĭt gơ̆p mờ Lo kung là bơta bè ờs ngan. Do kung là bơta rơwah kwơ màng tài bơh Lo là dùl lơgar dờng, lơgar rềp bal, rài lơh sa dờng dơ̆ 2 dunia. Thủ tướng sồr Kwang bàng ala mat lơh broă mờ lơgar ndai mờ mpồl bơtiàn cau Việt Nam tàm Lo pal sơlơ bơt bơtàu bơta gĭt gơ̆p do ngai sơlơ bơtàu tơnguh niam bơnĕ, bơta lơh bơyô bal “là cau dùl bơta kơ̆p kờñ bal, là oh mi”. Kơ̆p kờñ làng bol mpồl bơtiàn lơh ngan pơgồp bơnah bơt bơtàu bơta lơh bơyô bal “sùm sùm tơlir niam sùm sùm kơ̆ kơl jăp jŏ jòng”.
Viết bình luận