Đơs tàm dơ̆ đơng lam lơh broă, Tổng Ƀí thư ồng Tô Lâm, Ƀí thư Quân ủy Dà lơgar sồr: Ling klàng là “cau lài phào tơnơ̆”, pal lơh pa jơh kòn bơnus lài mờ tŭ lơh pa phào crong. Sồr Tổng Kụk Cíñ trị pal tơnguh broă pơgồp bal mờ Ƀộ Pơlam broă ling klàng tàm broă bơ̆t bơtàu mpồl cau lơh broă, tàm hơ̆ uă ngan là cau lơh broă jăk chài uă tàm ling klàng.

Pơn jăt tai lơh geh cồng nha Rơndăp broă lơh, broă hòi jà, ngui cau jăk bơh Ling klàng Làng bol Việt Nam dê tus nam 2030, wèt tus nam 2050. Tổng Ƀí thư đơs tờm: “Tơl nă kwang bàng, cau ling pal geh nùs nhơm cíñ trị mùl màl kơ̆ kơl jăp, jăk bè broă lơh mờ gùng dà tam lơh, lơh tờm phào crong, phan lơh broă pa, bồ tơngoh tam gơl pa bơceh lơh, git wă sồ mờ lơh tờm broă lơh sồ, wă bè bơta niam chài ling klàng bal mờ bơta pràn pơgồp bal tam lơh geh bơta pràn kơl dang să jan niam, di pal mờ jơnau kờñ bơh broă lơh ling klàng dê”.