Tổng Ƀí thư ồng Tô Lâm tơlik nùs nhơm chờ hờp tềng đăp bơta bơtàu tơngguh uă ngan bơh gĭt gơ̆p Việt Nam mờ Lào dê, đơs nền Việt Nam sùm kờñ ngan broă lơh bơ̆t bơtàu, bơtàu tơnguh dà lơgar Lào. Tổng Ƀí thư đơs niam ngan bơta pơgồp bal niam ngan đah bàr Cơldŭ lơh broă Dà lơgar bàr Đảng dê tàm lam lơh jăt geh cồng nha ală jơnau cribơyai ring bal lơh broă bal, tàm yal tơngĭt bal jơnau, mờng chài lơh broă dong broă, is ồn là rơcăng pơrjum dờng Đảng, bơ̆t bơtàu broă lơh broă bơh Ƀộ Cíñ trị, Mpồl Đơng lam Đảng Dà lơgar dê.

Tổng Ƀí thư sồr bàr đah pơn jăt tai pơgồp bal lơh jăt niam ală tơngume neh ring bal, pơgồp bơnah tơngguh uă cồng nha broă lơh tă pơgồp jơnau đơs dong broă, drơng đơng lam bàr Đảng in tàm tŭ tơngai bơtàu tơnguh pa.