Tổng Ƀí thư đơs niam ngan ală rơndăp broă lơh bơcri priă bơh Qualcomm tàm lơgar Việt Nam, jờng rơ tập đoàn pơn jăt tai rề ơnàng tus ală gah broă bè măi mok pa, ngăc ngar kòn bơnus lơh gơs, ƀăn zẫn, phan bơna bơta chài sồ.

Ồng kơ̆p kờñ Qualcomm rơ̆p pơgồp bal ai lơgar Việt Nam gơs tiah tờm AI mờ ƀán zẫn tàm tiah do mờ tàm dunia. Tổng Ƀí thư đơs nền tus mờ bồ tơngoh kơlôi sơnơng bơtàu tơnguh dà lơgar tus nam 2030 mờ wèt tus 2045, mờ jơnau kờñ gơs lơgar geh priă lơh geh uă, lơh sa mờ măi mok pa ngan. Nàng lơh geh jơnau kờñ do, lơgar Việt Nam neh ai lơh jăt uă jơnau lơh nền kwơ màng tàm pơrjum, ai bơta ƀuơn nàng bơtàu tơnguh bơta jak chài, măi mŏk, lơh pràn gơnoar broă  tiah làng bol dê lơh is mờ hòi jà bơcri priă lơgar bơdìh, is ồn tàm ală gah lơh sa mờ măi mok tờm kwơ màng.