Pơrjum ies tơ̆p ƀồc ồng Trần Đức Lương geh lơh jăt broă lơh Pơrjum Dà lơgar ies tơ̆p ƀồc. Gơbang ồng Trần Đức Lương dê geh ơn tàm Hìu bơyai lơh ies tơ̆p ƀồc Dà lơgar, sồ 05 gùng Trần Thánh Tông, ƀòn dờng Hà Nội.

Dơ̆ còp ies ồng Trần Đức Lương geh lơh tàm Hìu bơyai lơh ies tơ̆p ƀồc Dà lơgar, sồ 05 gùng Trần Thánh Tông, ƀòn dờng Hà Nội, sơnđờm bơh 7 jiơ drim ngai 24 nhai 05 nam 2025 tus 7 jiơ drim ngai 25 nhai 05 nam 2025.

Dơ̆ pơrjum kah pơlai ồng Trần Đức Lương geh bơyai lơh dờng màng ngan tàm tŭ 7 jiơ drim ngai 25 nhai 05 nam 2025 tàm Hìu bơyai lơh ies tơ̆p ƀồc Dà lơgar, sồ 05 gùng Trần Thánh Tông, ƀòn dờng Hà Nội. Dơ̆ pơrjum tơ̆p ƀồc tàm tŭ 3 jiơ mho dồ ngai bal tàm Ƀlàng tơ̆p ƀồc ƀòn tờm, sàh Phổ Khánh, ƀòn drà dờng Đức Phổ, càr Quảng Ngãi.

Dùl tŭ jiơ bal, tàm Hìu pơrjum Thống Nhất, ƀòn dờng Hồ Chí Minh mờ tàm Hìu pơrjum T50, Gah đơng lam Ling klàng càr Quảng Ngãi, sồ 142 gùng Lê Trung Đình, ƀòn dờng Quảng Ngãi kung geh lơh Dơ̆ còp ies, Pơrjum kah pơlai ồng Trần Đức Lương.

Anih Sơñio rùp Việt Nam mờ Anih Jơnau đơs Việt Nam rơ̆p yal tơn Dơ̆ còp ies, Dơ̆ pơrjum kah pơlai mờ Pơrjum tơ̆p ƀồc ồng Trần Đức Lương tàm ƀòn dờng Hà Nội, ƀòn dờng Hồ Chí Minh mờ càr Quảng Ngãi.

Tàm bàr ngai geh lơh Pơrjum Dà lơgar ies tơ̆p ƀồc ồng Trần Đức Lương, lài do Kwang bàng Ƀộ Cíñ trị, Củ tịc lơgar Kộng hoà Sàh hội Củ nghĩa Việt Nam (ngai 24 mờ 25 nhai 05 nam 2025), ală anih lơh broă, hìu lơh broă, tiah mpồl bơtiàn yồng bồng bi gơjrùh, ờ gŏ di bơyai lơh ală broă lơh nhơl chờ hờp lơh pơrài bồ tơngoh.