Củ tịc Quôk hội sơn đờm mut pơrjum dar pơrjum dơ̆ 46
Thứ tư, 06:00, 04/06/2025
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Drim òr (03/06), Củ tịc Quôk hội ồng Trần Thanh Mẫn sơnđờm mut pơrjum dar pơrjum dơ̆ 46 bơh Anih duh broă Lơh kơnòl broă sùm Quôk hội, đơs sùm broă lơh sir adat boh lam lơh geh bơta gơn kơnờm pa ai bơtàu tơnguh in mờ gàr niam lơh jat geh cồng nha mpồl lơh broă Dà lơgar.
Củ tịc Quôk hội pà gĭt, pơrjum dơ̆ 9 bơh Quôk hội dê neh tơn jơh dơ̆ 1 lơh geh cồng nha mờ 8 Jơnau lơh nền tàm pơrjum geh ring bal, tàm hơ̆ geh Jơnau lơh nền tàm pơrjum tam gơl Sơnoa boh lam nam 2013 mờ tơnggơs Anih duh broă rcang cih tam gơl Sơnoa boh lam.
Tàm pơrjum dơ̆ do, Anih duh broă Lơh kơnòl broă sùm rơ̆p sền sơwì, tă pơgồp jơnau đơs mờ 28 jơnau rcang cih adat, Jơnau lơh nền tàm pơrjum kờp dŭ yal mờ Quôk hội in tàm dơ̆ 2, bal mờ 4 tơngume pa geh gơrềng tus sền gàr Dà lơgar, broă lơh priă jền krơi is mờ rơndăp tăp sèng mpồl lơh broă sră nggal gơnoar atbồ kấp càr nam 2025. Củ tịc Quôk hội sồr ală anih lơh broă geh gơrềng lơh broă nền nòn, geh kơnòl uă, gàr niam cồng nha lơh broă tàm tơngai mpồl tơngume dờng ngan mờ uă gah broă ngan.
Viết bình luận