Mờ tơngume “Tàm pơrlòng tam gơl pa, bơceh lơh, tơnguh mhar tam gơl pràn lam dà lơgar mut tàm rài bơtàu tơnguh pràn kơldang, gơguh jak, pas sơm”, Pơrjum dờng tàm pơrlòng kờñ gơboh dà lơgar gùt lơgar dơ̆ XI kờp dŭ bơyai lơh nhai 12 nam do. 

Phó Củ tịc lơgar đơs nền, Pơrjum dờng rơp tơn jơh tơngai lơh broă mờ uă cồng nha, krơh niam pơn rơ gơguh jak, mờ kung lơh gơlik nùs nhơm tàm pơrlòng tàm gùt lơgar, rơcang ai tŭ tơngai bơtàu tơnguh pa in. Pơrjum dờng ờ mìng jờng rơ cồng nha lơh geh mờ gam chồl tơnguh nùs nhơm tam klac bal, lơh ngan uă tàm jơh gùt anih lơh broă cíñ trị mờ làng bol nàng lam lơh geh cồng nha kơnòl broă bơtàu tơnguh dà lơgar tàm tŭ tơngai pa.