Ồng Trần Đức Lương, deh ngai 05 nhai 05 nam 1937; ƀòn tờm: Sàh Phổ Khánh, kơnhoàl Đức Phổ (tŭ do là ƀòn drà dờng Đức Phổ), càr Quảng Ngãi. Ơm kis sùm tàm hìu sồ 298, gùng drà Vạn Phúc, sơnah ƀòn Liễu Giai, kwận Ba Đình, ƀòn dờng Hà Nội. Lòt lơh broă kăc màng nhai 02 nam 1955; mŭt Đảng Kộng sản Việt Nam ngai 19 nhai 12 nam 1959.

Ală tŭ lơh broă

Nhai 02 nam 1955 tus nhai 09 nam 1955: Ồng lòt tơrgùm tus tiah đah Tô dà lơgar, bơsram kâp sơnrờp măy mŏk phan dơlam ù Ƀộ Lơh sa mờ măy mŏk mờ Kă bro phan.

Nhai 10 nam 1955 tus nhai 08 nam 1959: Ồng lơh cau lơh broă măy mŏk tàm ală Mpồl, Đội jòi sền rơwàng phan dơlam ù; bơsram bơtơl Trung kâp phan dơlam ù 8 nhai.

Nhai 09 nam 1959 tus nhai 03 nam 1964: Ồng lơh Lam bồ Đội phan dơlam ù 4, Mpồl phan dơlam ù 20, Ƀí thư Ci đoàn Đội phan dơlam ù, Kwang bàng Mpồl Duh broă Đoàn Ơruh pơnu Lơh broă, Kụk phan dơlam ù, Kwang bàng tàm Ci ủy.

Nhai 04 nam 1964 tus nhai 08 nam 1966: Ồng lơh Phó Mpồl măy mŏk Mpồl phan dơlam ù 20; Ƀí thư Ci ƀộ, Kwang bàng ală Ci ủy.

Nhai 09 nam 1966 tus nhai 01 nam 1970: Ồng là cau bơsram dờng, lơh Lam bồ cau bơsram ơdŭ cuyên tu jòi sền (k11) Đại họk Phan kwơ phan dơlam ù; Kwang bàng tàm Đảng ủy hìu bơsram, Ƀí thư Đoàn Hìu bơsram (nam 1969).

Nhai 02 nam 1970 tus nhai 08 nam 1975: Ồng lơh Phó Lam bồ Kụk Sră wăc rùp ù tiah phan dơlam ù; Kwang bàng tàm Đảng ủy, Kwang bàng Duh broă sùm Đảng ủy Kục Sră wăc rùp ù tiah phan dơlam ù.

Nhai 09 nam 1975 tus nhai 09 nam 1977: Ồng bơsram Hìu bơsram Nguyễn Ái Quốc Dà lơgar; lơh Ƀí thư Ci ƀộ ơdŭ.

Nhai 08 nam 1977 tus nhai 07 nam 1979: Ồng lơh Phó Lam bồ ală mpồl, Lam bồ ing ală mpồl sră wăc rùp ù tiah phan dơlam ù, Tổng Kụk Phan dơlam ù tiah; Ƀí thư Đảng ủy ală mpồl, Kwang bàng Mpồl Duh broă Mpồl ala măt cau lơh broă Kụk Phan dơlam ù Dà lơgar; Kwang bàng Mpồl duh broă Mpồl ala măt cau lơh broă Dà lơgar Việt Nam.

Nhai 08 nam 1979 tus nhai 01 nam 1987: Ồng lơh Lam bồ Kụk Phan dơlam ù Dà lơgar, Ƀí thư Mpồl đơng lam Đảng Kụk Dà lơgar; bơsram ơdŭ ătbồ lơh sa 4 nhai tàm Anih kơlôi sơnơng jak chài Lơh sa làng bol dà lơgar Liên Xô (nam 1981). Cau ala măt Quôk hội khoă VII, Phó Cau đơng lam mờ kong kơnòl, Cau đơng lam mờ kong kơnòl Anih duh broă Jak chài mờ Măy mŏk Quôk hội dê; Phó Củ tịc Anih duh broă Mpồl Lơh bơyô Việt Nam- Liên Xô Dà lơgar.

Tàm Pơrjum dờng cau ala măt gùt lơgar dơ̆ V Đảng dê (nhai 03 nam 1982), Ồng geh pồ lơh Kwang bàng rơcăng mŭt tàm Mpồl Duh broă Đảng Dà lơgar. Tàm Pơrjum dờng cau ala măt gùt lơgar dơ̆ VI Đảng dê (nhai 12 nam 1986), Ồng geh pồ lơh Kwang bàng Mpồl Duh broă Đảng Dà lơgar.

Nhai 02 nam 1987 tus nhai 08 nam 1992: Ồng lơh Phó Củ tịc Mpồl duh broă Ƀộ trưởng; cau ala măt Quôk hội khoă VIII; ala măt Duh broă sùm lơgar Kộng hoà Sàh hội Củ nghĩa Việt Nam tàm Mpồl duh broă tàm dong kờl bal Lơh sa (SEV). Tàm Pơrjum dờng cau ala măt gùt lơgar dơ̆ VII Đảng dê (nhai 06 nam 1991), Ồng pơn jăt tai geh pồ  lơh Kwang bàng Mpồl Duh broă Đảng Dà lơgar.

Nhai 09 nam 1992 tus nhai 08 nam 1997: Ồng lơh Phó Thủ tướng Cíñ phủ lơgar Kộng hoà Sàh hội Củ nghĩa Việt Nam. Tàm Pơrjum dờng cau ala măt gùt lơgar dơ̆ VIII Đảng dê, Ồng geh pồ mŭt tàm Mpồl Duh broă Đảng Dà lơgar, geh Mpồl Duh broă Đảng dà lơgar pồ mŭt tàm Ƀộ Cíñ trị (nhai 06 nam 1996).

Nhai 09 nam 1997 tus nhai 06 nam 2006: Ồng lơh Củ tịc lơgar Kộng hoà Sàh hội Củ nghĩa Việt Nam, Củ tịc Mpồl duh broă Sền gàr dà lơgar mờ Lơngăp lơngai (nhai 09 nam 1997); Kwang bàng Duh broă sùm Ƀộ Cíñ trị (nhai 01 nam 1998). Tàm Pơrjum dờng cau ala măt gùt lơgar dơ̆ IX Đảng dê, Ồng pơn jăt tai geh pồ mŭt tàm Mpồl Duh broă Đảng Dà lơgar, geh Mpồl Duh broă Đảng Dà lơgar pồ mŭt tàm Ƀộ Cíñ trị (nhai 04 nam 2001).

Ồng là Kwang bàng Mpồl Duh broă Đảng Dà lơgar ală khoă V, VI, VII, VIII, IX; Kwang bàng Ƀộ Cíñ trị khoă VIII, IX; Kwang bàng Duh broă sùm Ƀộ Cíñ trị khoă VIII; Phó Củ tịc Mpồl duh broă Ƀộ trưởng bơh nhai 02 nam 1987 tus nhai 08 nam 1992; Phó Thủ tướng Cíñ phủ bơh nhai 09 nam 1992 tus nhai 08 nam 1997; bơh nhai 09 nam 1997 tus nhai 06 nam 2006 ồng là Củ tịc lơgar Kộng hoà Sàh hội Củ nghĩa Việt Nam, Củ tịc Mpồl duh broă Sền gàr dà lơgar mờ Lơngăp lơngai khoă X, khoă XI; cau ala măt Quôk hội ală khoă VII, VIII, X, XI.

Ồng geh Đảng, Dà lơgar ai rê rlô lơh broă jăt bơta dong kờl dà lơgar dê bơh ngai 01 nhai 01 nam 2008.

Tài bơh geh dà kơlhề dờng ngan is ồn jak ngan, tă pơgồp tàm broă lơh kăc màng Đảng mờ jơi bơtiàn dê, Ồng neh geh Đảng, Dà lơgar pà jờng Huân cương Sơmañ rơmĭt, Sơlong 65 nam sơnam Đảng mờ uă huân cương, huy cương, sră jờng rơ dờng màng ndai bơh Việt Nam mờ ală lơgar dê.