VOV4.K'Ho- Drim òr (09/05), tàm Hìu lơh broă Cíñ phủ, Thủ tướng ồng Phạm Minh Chính đơng lam Dơ̆ pơrjum bơh Cíñ phủ bè broă rơndăp tăp sèng, broă rơndăp wơl mpồl lơh broă sră nggal ală kấp mờ bơ̆t bơtàu broă rơndăp lơh gơnoar atbồ ƀòn lơgar 02 kấp.

VOV4.K'Ho - Ală broă lơh ngan ờ ơm rlô bơh gah jat yàng Phờk Việt Nam mờ gơnoar atbồ ƀòn dờng Hồ Chí Minh dê tàm broă bơyai lơh chờ dờng Vesak Liên hợp quôk nam 2025 neh geh mpồl bơtiàn jat yàng Phờk dunia cih dờp mờ jờng rơ. Bơh hơ̆, ai gŏ gah jat yàng Phờk Việt Nam ngai sơlơ pràn kơldang, gơ gơs sơm pòl ồs pơnđàng tàm broă ai tơlik lài gùng dà ală broă lơh ală lơgar bơh gah jat yàng Phờk dunia dê, tàm broă jờng rơ bơta kuơ jơnau bơto sồr bơh yàng Phờk dê tài ring lơngai mờ drơng gàr rài kis làng bol in tàm tơngai dunia tŭ do.

VOV4.K'Ho - Tàm Hìu lơh broă Củ tịc, Củ tịc lơgar ồng Lương Cường neh đơng lam dơ̆ yal mờ jàu jơnau lơh nền bơh Củ tịc lơgar dê tơn pồ ală Phó Kwang lam bồ Cơldŭ lơh broă Củ tịc lơgar.

VOV4.K’Ho- Mho ngai 08/05, jăt jiơ tiah do dê, Tổng Ƀí thư ồng Tô Lâm bal mờ Pơ ùr mờ Mpồl cau ala măt kâp dờng lơgar he neh tus ƀlàng rơndeh par Vnukovo 2, càr lơgar Moscow, sơnđờm ală broă lơh còp ngan ngồn lơgar Nga mờ tus bal Dơ̆ tơngkah kir sơnrai 80 nam Ngai Tam lơh jai pha tàm Tam lơh Sền gàr dà lơgar dờng ngan jăt jơnau jà bơh Kwang ătbồ lơgar Nga ồng Vladimir Putin dê.

VOV4.K’Ho- Mho ngai 8/05, tàm Hìu lơh broă Cíñ phủ Nga tàm càr lơgar Moscow, Tổng Ƀí thư ồng Tô Lâm neh geh dơ̆ tìp mat kấp dờng mờ Thủ tướng lơgar Nga ồng Mikhail Mishustin.

VOV4.K’Ho- Ngai 08/05/2025, di dơ̆ lơgar Singapore bơyai lơh geh cồng nha dơ̆ pồ Quôk hội dơ̆ 14 bal mờ jai pha gơ rê mờ Đảng Lơh broă Làng bol (PAP), Thủ tướng Cíñ phủ ồng Phạm Minh Chính neh hòi điện thoại cribơyai mờ Kwang Gơnoar cih dờng PAP, Thủ tướng lơgar Singapore ồng Lawrence Wong.

VOV4.K'Ho - Ngai 08/5, Gah đơng lam Ling klàng càr Dăk Lăk bơyai lơh Pơrjum tơn jơh mờ jờng rơ cau geh pơn rơ gơguh jak tàm 10 nam lơh jat Jơnau sồr bơh Ƀộ Cíñ trị dê bè “Sơlơ chồl pràn bơsram mờ lơh jat bồ tơngoh, nùs nhơm, rài kis Hồ Chí Minh”.

VOV4.K’Ho- Tàm hìu gam ơm tàm ƀòn dờng Thủ Đức, ƀòn dờng Hồ Chí Minh, cau ling yau Lâm Xuân Quang neh lời dùl cờn hìu ơnàng pơgăp 300 thơk vuông nàng lơh “Ù tiah niam chài Hồ Chí Minh”. Broă lơh do geh ồng kơlôi sơnơng tơnơ̆ mờr 50 nam do. Ồng ờ mìng gàr is he in lơm ờ mờ gam pờ mpồng khat gơboh wă năc tàm lơgar mờ ală lơgar tus sền, jòi gĭt bè rài kis Củ tịc Hồ Chí Minh.

VOV4.K’Ho- Ngai 08/05, Anih duh broă Làng bol ƀòn dờng Hồ Chí Minh bơyai lơh dar pơrjum sền swì broă lơh sa- mpồl bơtiàn nhai 04, kơnhoàl broă broă lơh nhai 05.

VOV4.K’Ho- Ngai 08/05, tàm Hìu duh broă Cíñ phủ dê, Phó Thủ tướng ồng Nguyễn Chí Dũng pơrjum mờ ală ƀộ gah bè tam gơl, bơtơl jơnau rơcăng cih Jơnau lơh nền cíñ phủ dê bè lơh sră cih măt mpồl lơh sa kă bro.