Jat broă rơndăp lơh, Khánh Hoà pơnđơl pràn lơh ngan bơt bơtàu broă lơh sa suơn sre geh cồng nha, gàr tơl niam kòi phe, gơ jat bal mờ jơnau kờñ ai càr Khánh Hoà gơ gơs ƀòn dờng gơwèt Dà lơgar tàm nam 2027. Tờm ngan là ngui niam bơta ƀuơn bơta pràn lơh sa dà lềng, bơtàu tơnguh pràn ròng dà lềng măi mok pa, lam Khánh Hoà gơ gơs anih tờm ròng dà lềng dà lơgar; lơh sir ală broă ròng, tam, tơnhào, lơh gơlik mờ tăc phan tàm dà mờ lơgar ndai jat gùng dà tơngai pa tŭ do, kơnhăp kơ̆.

Càr ai jơnau kờñ khà gơguh gah broă lơh sa suơn sre, phan brê mờ phan tàm dà rlau 3% pah nam. Tus nam 2030, khà lơh geh tàm pơn ndrờm bơh tiah do dê geh pơgăp 8,5% kờp jơh phan bơnah lơh sa. Mpồl Lơh kơnòl broă sùm Tỉñ ủy càr neh ai tơlik 7 mpồl broă, broă lơh tờm, sồr ală kấp, gah broă tơrgùm lam lơh drờm bal, lơh geh bơta tam gơl loh làng tàm bơtàu tơnguh broă lơh sa suơn sre, ƀòn lơgar tàm tơngai tus.