Do là broă rơcang kwơ màng, gàr niam ngai chờ làng bol lơh tờm geh bơyai lơh di mờ adăt boh lam, lơngăp lơngai, ai tơngŏ gơnoar tờm ù tiah bal mờ broă tus bal bơh Dà lơgar dê tàm tiah dà lềng, bồt dà lềng Dà lơgar dê. Jăt jơnau yal bơh gơnoar atbồ tiah is ồn Trường Sa, gùt tiah do geh 21 tiah đùh sră.

Tus tŭ do, broă rơcang neh geh lơh ndrờm bal, di mờ jơnau geh ai, di mờ adăt boh lam. Phan bơna geh rơcang tơl, tàm hơ̆ geh 22 thùng đùh sră tờm, 16 thùng đùh sră geh rơcang lài bal mờ ală pang sră, khà măt cau tĕ khà, sră pồ. Broă cri bơyai, lir khà măt cau tĕ khà bal mờ cau tơlik măt tĕ khà geh lơh nền nòn, loh làng. Broă mblàng yal geh lơh pràn, dong kờl kwang bàng, cau ling bal mờ Làng bol git nền nòn bơta kwơ cíñ trị kwơ màng ngan bơh dơ̆ tĕ khà dê. Tơnơ̆ mờ pơrjum, kwang đơng lam tiah is ồn Trường Sa neh jào thùng đùh sră, sră cau tĕ khà, pang sră tĕ khà ai ală mpồl lơh kơnòl broă in. Bàr nơm ơhò Tiah 4 Ling dà lềng neh lòt bơh anih ơhò ling klàng Cam Ranh, càr Khánh Hoà, cèng ală mpồl lơh broă bal mờ thùng đùh sră tiă dà lềng lòt tus ală bồt tàm tiah is ồn Trường Sa.