Ală cau tơlik mat tĕ khà geh tàm pà tàm 18 mpồl lơh broă tĕ khà nàng cau tĕ khà in rơ wah, pồ 85 nă Cau ala mat Mpồl duh broă Làng bol khoă XIII. Tàm khà ală cau tơlik mat tĕ khà geh uă đơng lam bồ càr Gia Lai. Pơn yơu bè ồng Phạm Anh Tuấn – Củ tịc Anih duh broă Làng bol càr, ồng Rah Lan Chung – Củ tịc Mpồl duh broă Làng bol càr. Sră cih mat kung geh uă cau ala mat là làng bol jơi bơtiàn dồ ết nă cau bè Jrai, Bahnar, Hrê; bal mờ bơta tus bal bơh cau duh broă ală gah pin dờn jat Yàng, gàr niam bơta li la, ala mat ai uă rơnàng làng bol in.

Tŭ do mat 138 nă cau tơlik mat tĕ khà neh geh lĭp yal loh làng jat jơnau sồr dê. Tŭ do broă lơh rcang ai dơ̆ tĕ khà tàm càr Gia Lai gam geh lam lơh jơh nùs, di tŭ tơngai. Jơh gùt càr geh 2 rơbô 179 tiah đùh sră, drơng rlau 2 tơlak 580 rơbô nă cau tĕ khà.