Ala măt Đơng lam Đảng, Dà lơgar, Củ tịc Quốk hội ồng Trần Thanh Mẫn đơs niam broă lơh jơh nùs, jơh pràn bơh ală kwang bàng, kông cứk tàm Hìu lip sră dê mờ jờng rơ broă lơh broă bal nền nòn, rơcang lài mờ geh uă kơl nòl đah ală mpồl lơh broă tàm broă lơh jal mhar sền sơwì, lik sră mờ lơh gơs pang sră.

Is ồn là ală pang sră tơnkah 80 nam Ngai bơyai lơh tĕ khà sơnrờp ngan Quốk hội Việt Nam dê. Ală pang sră geh bơyai lơh sền sơwì nền nòn, geh kwơ màng tơn jơh niam bơnĕ ngan bè jơnau đơs bal mờ broă lơh mùl màl, dong kờl kwang bàng, đảng viên bal mờ làng bol wă nền nòn rơlao bè gah lơh broă, gơnoar rài lài do bơh Quốk hội dê tàm broă lơh kăc màng jăk chài Đảng mờ jơi bơtiàn dê; cồng nha mờ bơta tơngŏ pơnrơ ngan bơh Quốk hội dê bơh 15 tơngai lơh broă.